సూర్యప్రభ వాహ‌నంపై సూర్యనారాయణుడి అలంకారంలో శ్రీ కల్యాణ వెంకన్న  
తిరుపతి, మార్చ్ 8 
శ్రీనివాసమంగాపురంలోని శ్రీ కల్యాణ వేంకటేశ్వరస్వామివారి బ్రహ్మోత్సవాల్లో ఏడో రోజైన సోమవారం ఉదయం స్వామివారు సూర్యనారాయణుడి అలంకారంలో సూర్యప్రభ వాహనంపై కటాక్షించారు.
          సూర్యప్రభ వాహనం - ఆయురారోగ్య‌ప్రాప్తి
     సూర్యుడు సకలరోగ నివారకుడు. ఆరోగ్యకారకుడు. ప్రకృతికి చైతన్యప్రదాత. వర్షాలు, వాటి వల్ల పెరిగే సస్యాలు, పండే పంటలు, ఓషధీపతి అయిన చంద్రుడు సూర్యతేజం వల్లనే ప్రకాశిస్తూ వృద్ధి పొందుతున్నాయి. ఈ ఉత్సవంలో శ్రీవారి చుట్టూ ఉన్న సూర్యప్రభ సకల జీవుల చైతన్యప్రభ. సూర్యమండల మధ్యవర్తి శ్రీమన్నారాయణుడే. అందుకే సూర్యున్ని సూర్యనారాయణుడు అని కొలుస్తున్నాం.