.jpg)
విశాఖపట్టణం, మార్చి 10,
విశాఖ తూర్పు నియోజకవర్గం ఎమ్మెల్యే, టీడీపీ నేత వెలగపూడి రామకృష్ణ బాబును పోలీసులు అరెస్ట్ చేశారు. ఆయనతోపాటు టీఎన్‌ఎస్‌ఎఫ్‌ అధ్యక్షుడు ప్రణవ్‌ గోపాల్‌ను సైతం పోలీసులు అదుపులోకి తీసుకున్నారు. మున్సిపల్ ఎన్నికల సందర్భంగా ఏయూ హైస్కూల్‌ వద్ద రిగ్గింగ్‌ జరుగుతుందన్న సమాచారం రావడంతో.. వెంటనే పోలింగ్‌ కేంద్రానికి వెళ్లిన ఎమ్మెల్యే, టీఎన్‌ఎస్‌ఎఫ్‌ అధ్యక్షుడు అక్కడ ఉన్న పోలీసులతో వాగ్వాదానికి దిగారు. ఎటువంటి అవాంఛనీయ సంఘటనలు జరగకుండా ముందస్తు జాగ్రత్తగా పోలీసులు వారిద్దరినీ అరెస్టు చేసి త్రి టౌన్ పోలీసు స్టేషన్‌కు తరలించారుపంచాయతీ ఎన్నికల్లో ఘన విజయం సాధించిన అధికార వైఎస్సార్సీపీ.. మున్సిపల్ ఎన్నికల్లోనూ సత్తా చాటాలని భావిస్తోంది. విశాఖ స్టీల్ ప్లాంట్ ప్రయివేటీకరణ దిశగా కేంద్రం అడుగులేస్తున్న నేపథ్యంలో.. వైజాగ్ కార్పొరేషన్ ఎన్నికలు ఆసక్తికరంగా మారాయి. విజయవాడ, విశాఖల్లో విజయం కోసం టీడీపీ సర్వశక్తులు ఒడ్డుతోంది