హైదరాబాద్, మార్చి10, 
బాగా డబ్బులున్న ఓ బడాబాబు బడాయికి పోయాడు. తన రేంజ్ ఏంటో తెలిసేలా ఫేస్‌బుక్‌లో ఫొటోలు పెట్టేవాడు. అతని ఫోజులకు పడిపోయిన ఓ యువతి అతనికి టచ్‌లోకి వచ్చింది. ఫోన్ చేసి కబుర్లు చెబుతూ బాగా దగ్గరైంది. వ్యవహారం న్యూడ్ వీడియో కాల్స్ వరకూ వెళ్లింది.న్యూడ్ వీడియో కాల్ మాట్లాడుతూ ఎంజాయ్ చేసిన బడాయి బాబుకి కొద్దిరోజుల్లోనే దిమ్మతిరిగే షాకిచ్చింది కిలాడీ లేడీ. ఆ వీడియోలు రికార్డ్ చేసి డబ్బులిమ్మంటూ బ్లాక్‌మెయిల్‌కి దిగడంతో రిచ్ బాబుకి దిమ్మతిరిగిపోయింది. లబోదిబోమంటూ పోలీసులను ఆశ్రయించడంతో ఈ షాకింగ్ ఘటన వెలుగులోకి వచ్చింది. హైదరాబాద్‌లో జరిగిన ఈ ఘటన వివరాలు..హిమాయత్‌నగర్ ఏరియాకి చెందిన ఓ సంపన్న కుటుంబానికి చెందిన యువకుడు తన స్టేటస్ తెలిసేలా ఫేస్‌బుక్‌లో ఫొటోలు పెట్టేవాడు. అతన్ని గమనిస్తూ వచ్చిన యువతి ప్రైవసీ పాలసీ లేకపోవడంతో అతని ఫోన్ నంబర్ సేకరించింది. అప్పుడప్పుడూ ఫోన్ చేసి మాట్లాడేది. చక్కగా కబుర్లూ చెబుతూ ముగ్గులోకి దించింది. యువతి ఫోన్‌తో మైమరచిపోయిన యువకుడికి న్యూడ్ వీడియో కాల్‌తో పిచ్చెక్కించింది. అందులో నుంచి బయటికి వచ్చేలోగా దిమ్మతిరిగే షాకిచ్చింది.బడాబాబు మాట్లాడిన న్యూడ్ వీడియో కాల్‌ను రికార్డ్ చేసిన కిలాడీ లేడీ.. డబ్బులు డిమాండ్ చేయడం మొదలుపెట్టింది. అడిగినంత సమర్పించుకోకపోతే ఆ న్యూడ్ వీడియోను అతని భార్యకి పంపుతాననడంతో దిమ్మతిరిగిపోయింది. అంతటితో ఆగనని.. ఫేస్‌బుక్ ఫ్రెండ్ లిస్ట్‌లో ఉన్న అందరికీ పంపిస్తానంటూ బ్లాక్‌మెయిల్‌కి దిగింది. బెదిరిపోయిన బడాబాబు ఆమెకు ఓసారి రూ.22 వేలు పంపించాడు. మళ్లీమళ్లీ ఫోన్ చేస్తున్న కిలాడీ.. లక్షల్లో డిమాండ్ చేయడంతో లబోదిబోమంటూ పోలీసులను ఆశ్రయించాడు. సైబర్ క్రైమ్ పోలీసులు కేసు నమోదు చేసి విచారణ చేపట్టారు.