యాదాద్రి దేవస్థానం వార్షిక బ్రహ్మోత్సవాలు
యాదాద్రి భువనగిరి మార్చి 15, 
యాదాద్రి శ్రీలక్ష్మీ నరసింహ స్వామి వార్షిక బ్రహ్మోత్సవాలు ఘనంగా ప్రారంభం అయ్యాయి. సోమవారం నుంచి ఈ నెల 25 వరకు ఈ వార్షిక బ్రహ్మోత్సవాలు జరగనున్నాయి. సోమవారం  ఉదయం విశ్వక్సేన ఆరాధన, స్వస్తి వాచనం, రక్షాబంధనము,తో ఉత్సవాలు ప్రారంభం అయ్యాయి. ఈ నెల 21న ఎదుర్కోలు, 22న కల్యాణం, 23న రధొత్సవం జరగనున్నాయి. ఈ నెల 22న కల్యాణోత్సవంలో  గవర్నర్ తమిళ్ సై సౌందర్ రాజన్ పాల్గోంటారు. బ్రహ్మోత్సవాల సందర్భంగా  ఈ నెల 25వ తేదీ వరకు భక్తులు జరిపించే మొక్కు కళ్యాణం, శ్రీ సుదర్శన నారసింహ హోమం పర్వాలను నిలిపివేస్తున్నట్లు ఆలయ అధికారులు తెలిపారు.