విజయనగరం, మార్చి 17, 
విజయనగరం జిల్లా రామతీర్థం ఆలయంలో చోరీ సంచలనంరేపింది. రాములవారి ఆలయం హుండీ లెక్కింపులో ఉద్యోగి చేతివాటం ప్రదర్శించాడు. ఓ ఉద్యోగి ఆలయానికి వచ్చిన భక్తులు స్వామివారికి వేసిన బంగారం, డబ్బును జేబులో వేసుకున్నాడు.  ఉద్యోగిని అదుపులోకి తీసుకున్న పోలీసులు ప్రశ్నిస్తున్నారు. బంగారు శతమానంతో పాటు పెద్ద మొత్తంలో రూ.ఐదు వందల నోట్లు స్వాధీనం చేసుకున్నారు. ఈ చోరీ ఘటన కలకలంరేపింది. ఉద్యోగి ఇలా హుండీ బంగారం, డబ్బు చోరీ చేయడంపై అధికారులు సీరియస్‌గా తీసుకున్నారు.మరోవైపు పశ్చిమగోదావరి జిల్లాలో మరో విచిత్రమైన దొంగనతం జరిగింది. వీరవాసరం పోలీస్ స్టేషన్‌లో ఉంచి రూ.8 లక్షలు మాయం కావడం కలకలంరేపింది. రెండు రోజులుగా బ్యాంకులు సెలవులు కావడంతో పోలీస్ స్టేషన్ లాకర్‌లోనే వైన్ షాప్‌ల డబ్బు ఉంచారు. నగదు బ్యాంకులో డిపాజిట్ చేయడానికి పోలీస్‌స్టేషన్‌కు వైన్ షాపుల సిబ్బంది రాగా.. నగదు కనిపించకపోవడంతో కంగుతిన్నారు. ఈ డబ్బు మాయం ఘటనపై పోలీసులు ఆరా తీస్తున్నారు.