దంచికొడుతున్న ఎండలు..జోరందుకున్న బీర్ అమ్మకాలు..
హైదరాబాద్ ఏప్రిల్ 7
ఎండలు దంచికొడుతున్నాయి. ఈ ఎండలకు మధ్యాహ్నం టైంలో ఓ చల్లటి బీరు తాగితే ఆ కిక్కే వేరు’ అంటూ కొందరు హైదరాబాద్ వాసుల సంభాషణలు. మామూలు రోజుల్లోనే బీరుగా గిరాకీ భారీగానే ఉంటుంది. యువకులు పెద్దవాళ్లు యువతులు అనే తేడా లేకుండా అంతా బీరు కిక్కును ఎంజాయ్ చేసేవారే. మిగతా సీజన్ ల మాట అలా ఉంచితే.. ఎండా కాలంలో బీరు అమ్మకాలు ఊపందుకోవడం కామన్. ప్రస్తుతం బయట ఎండలు మండిపోతున్నాయి. దీంతో బీరు అమ్మకాలు విపరీతంగా  పెరిగాయి.హైదరాబాద్ వాసులు రోజూ కేసులకు కేసులు బీరు కాటన్లు లేపుతున్నారట. దీంతో వైన్స్ బార్స్ పబ్స్లో బీరుకు గిరాకీ పెరిగింది.  గత ఏడాది ఈ టైంలో కరోనా ఉండటంతో వైన్స్ బంద్ అయ్యాయి. దీంతో మందుబాబులు తీవ్ర ఇబ్బందులు పడ్డారు. చివరకు బ్లాకులో కొని బీర్లు లాగించారు. ఇక వైన్స్ ఓపెన్ చేశాక.. చాలా రోజులపాటు జోరుగా గిరాకీ సాగింది. ఇక ప్రస్తుతం అదే రీతిలో మద్యం అమ్మకాలు కొనసాగుతున్నాయి.