విజయవాడ
కృష్ణా జిల్లా గొల్లపూడిలో తుపాకీ మిస్ ఫైర్ అయింది. ఈ ఘటనలో ఒక హోమ్ గార్డ్ భార్య మృతి చెందింది. సీఎం సెక్యురిటి వింగ్ ఏ ఎస్పీ శశికాంత్ వద్ద  హోమ్ గార్డ్ వినోద్ అసిస్టెంట్ గా విధులు నిర్వహిస్తున్నాడు. ఏఎస్పీ శశికాంత్ మూడు రోజుల క్రితం క్యాంప్ కు అనంతపురం వెళ్లారు. ఎఎప్సీ గన్ హోమ్ గార్డ్ వినోద్ వద్ద ఉంది. ఆదివారం రాత్రి వినోద్ తన  భార్యకు సరదాగా తుపాకీ చూపిస్తున్న సమయంలో మిస్ ఫైర్ అయింది. బులెట్ భార్య సూర్యరత్న ప్రభ గుండెల్లోకి దూసుకెళ్లింది. దాంతో ఆమె అక్కడికక్కడే మృతి చెందింది. తెల్లవారుజామున 2 గంటల సమయంలో ఘటన జరిగినట్లు పోలీసులు నిర్ధారించారు. వినోద్ ను అదుపులోకి తీసుకున్నారు. మృతురాలి బంధువల పిర్యాదు మేరకు భవానిపురం పోలీసులు కేసు నమోదు చేసి దర్యాప్తు చేస్తున్నారు.