హైదరాబాద్
తాను డ్రైవర్ గా పనిచేస్తున్న యజమాని కారులోనుంచి నగదు ఎత్తుకుపోయిన నిందితుడిని పోలీసులు ఆరెస్టు చేసారు.  మాదాపూర్ డీసీపీ వెంకటేశ్వర్లు కథనం మేరకు  రియల్ ఎస్టేట్ వ్యాపారులు  చేసిన ధీరజ్ రెడ్డి, వైఎస్  ప్రసాద్, ఎంఎన్బీ రాజు లు ఈ నెల మూడవ తేదీన మాదాపూర్ పోలీస్ స్టేషన్ పరిధిలో ఇనార్బిట్ మాల్ పార్కింగ్ లో కార్ పార్క్ చేసారు. వీరంతా తమ బెంజ్ కారులో షాపింగ్ నిమిత్తం ఇనార్బిట్ మాల్ కి వచ్చారు. ఆ కారులో 50 లక్షలు బ్యాగ్ ఉంది. రెండు నెలల నుండి వైఎస్  ప్రసాద్ వద్ద కారు డ్రైవర్ గా పనిచేస్తున్న హానుమంత్ దొత్రే, బ్యాగును గమనించాడు. బ్యాగ్ ను తీసుకొని వెళ్ళిపోయాడు. పార్కింగ్ కి వచ్చిన కారు యజమానికి  డ్రైవర్ తో పాటు కారు లో ఉన్న బ్యాగ్ కనపడకపోవడంతో మాదాపూర్ పోలీసులకు ఫిర్యాదు చేశాడు.. రంగంలోకి దిగిన మాదాపూర్ పోలీసులు మూడు స్పెషల్ టీం లను ఏర్పాటు చేసి దర్యాప్తు చేసామని అయన అన్నారు.  నిందితుల టవర్ లొకేషన్ ఆధారంగా నిందితులను జహీరాబాద్ వద్ద అదుపులోకి తీసుకున్నాం. ఇద్దరు నిందితులు అన్న దమ్ములని అయన అన్నారు.