భరత్ అనే నేను’.. ఆంధ్రప్రదేశ్ ముఖ్యమంత్రిగా ప్రమాణం చేస్తూ ఏప్రిల్ 20న థియేటర్స్‌లోకి వచ్చి బిగ్ బ్లాక్ బస్టర్ హిట్ కొట్టేశాడు మహేష్ బాబు . ప్రస్తుతం ఈ రీల్ లైఫ్ సీఎం.. ఎందరో రియల్ లైఫ్ సీఎంలకు ఆదర్శంగా మారిపోయారు. సొసైటీ అంటే అందరికీ భయం, బాధ్యత ఉండాలంటూ సామాజిక బాధ్యతను గుర్తిచేసిన సీఎం సార్‌కి సాహో అంటున్నారు ప్రేక్షకులు. ప్రపంచ వ్యాప్తంగా విడుదలైన అన్ని థియేటర్లలోనూ ‘భరత్ అనే నేను’ చిత్రానికి ప్రేక్షకులు బ్రహ్మరథం పట్టడంతో విజయోత్సవ సంబరాల్లో ఉంది చిత్రయూనిట్. తాజాగా ఈ మూవీకి మరింత హైప్ తీసుకువచ్చేందుకు నిన్నటి వరకూ హైదరాబాద్‌లో ప్రమోషన్ కార్యక్రమాలను నిర్వహించిన చిత్ర యూనిట్ శుక్రవారం నాడు విజయవాడకు పయనమయ్యారు. ఉదయం హైదరాబాద్‌ నుండి ప్రత్యేక విమానంలో విజయవాడ బయలుదేరి వెళ్లిన వారిలో ప్రిన్స్ మహేష్ బాబుతో పాటు దర్శకుడు కొరటాల, మహేష్ బావ ప్రస్తుతం తెలుగు దేశం పార్టీ ఎంపీ గల్లా జయదేవ్‌లు ఉన్నారు. ముందుగా బెజవాడ కనకదుర్గ అమ్మవారిని దర్శించుకున్న తరువాత... స్థానిక అన్నపూర్ణ థియేటర్‌లో అభిమానులతో కలిసి ‘భరత్ అనే నేను’ చిత్రాన్ని వీక్షించనున్నారు మహేష్ బాబు. ఇక మహేష్ పర్యటన పనుల్ని దగ్గరుండి పర్యవేక్షిస్తున్న ఎంపీ గల్లా జయదేవ్.. ఈ పర్యటనకు సంబంధించిన ఫోటోలను ట్విట్టర్‌లో పోస్ట్ చేశారు. కాగా మహేష్ విజయవాడ పర్యటన ముగింపుకుని తిరుపతికి పయనమవుతున్నారు. తిరుపతిలో కూడా అభిమానుల సమక్షంలో ‘భరత్ అనే నేను’ చిత్రాన్ని వీక్షించ.