బీజింగ్ ఏప్రిల్ 29
చైనా త‌న కొత్త శాశ్వత అంతరిక్ష కేంద్రం యొక్క కీ మాడ్యూల్‌ను ప్ర‌యోగించింది. వెన్‌చాంగ్ అంతరిక్ష ప్రయోగ కేంద్రం నుంచి లాంగ్ మార్చ్‌ -5 బీ రాకెట్ ద్వారా గురువారం ఉద‌యం ప్రయోగించారు. ఇది చైనా యొక్క ప్రతిష్టాత్మక అంతరిక్ష కార్యక్రమంలో తొలి ఘ‌ట్టంగా చెప్పుకోవ‌చ్చు. అంత‌ర్జాతీయ అంత‌రిక్ష కేంద్రం (ఐఎస్ఎస్‌) కు దీటుగా త‌మ సొంత అంతరిక్ష కేంద్రం – టియాన్‌హే ను నిర్మించేందుకు చైనా న‌డుం బిగించింది.ప్రస్తుతం కక్ష్యలో ఉన్న ఏకైక అంతరిక్ష కేంద్రం అంతర్జాతీయ అంతరిక్ష కేంద్రం. దీని నుంచి చైనాను మినహాయించారు. దాంతో త‌న ప‌రిశోధ‌న‌ల కోసం శాశ్వ‌త అంత‌రిక్ష కేంద్రాన్ని నిర్మించేందుకు చైనా సిద్ద‌మైంది. 2022 నాటికి త‌మ సొంత అంత‌రిక్ష ప‌రిశోధానా కేంద్రాన్ని సిద్ధం చేయాల‌ని చైనా భావిస్తున్న‌ది.అంతరిక్ష పరిశోధనల‌ విషయానికొస్తే చైనా కాస్తా ఆలస్యంగా చ‌ర్య‌ల‌ను ప్రారంభించింది. 2003 లో తన మొదటి వ్యోమగామిని కక్ష్యలోకి పంపి.. సోవియట్ యూనియన్, యూఎస్ తర్వాత జాబితాలో మూడవ దేశంగా చేరింది. ఇప్పటివరకు చైనా మునుపటి రెండు అంతరిక్ష కేంద్రాలను కక్ష్యలోకి పంపింది. టియాంగాంగ్ -1, టియాంగాంగ్ -2 ట్రయల్ స్టేషన్లు సాధారణ మాడ్యూల్స్ వ్యోమగాములు తక్కువ కాలం మాత్రమే ఉండటానికి అనుమతించాయి. కొత్త 66-టన్నుల మల్టీ-మాడ్యూల్ టియాంగాంగ్ స్టేషన్ కనీసం 10 సంవత్సరాలు పనిచేయడానికి సిద్ధంగా ఉంది.టియాన్‌హేను 16.6 మీ పొడవు, 4.2 మీ వెడల్పుతో ఏర్పాటుచేసేందుకు చైనా ప్ర‌ణాళిక‌లు సిద్ధం చేసింది. ఇది శక్తిని, చోదకాన్ని అందించ‌డ‌మే కాకుండా వ్యోమగాములు సందర్శించడం ద్వారా అవసరమైన లైఫ్ సపోర్ట్ టెక్నాలజీస్, లివింగ్ క్వార్టర్స్‌ కలిగి ఉంటుంది. వచ్చే ఏడాది స్టేషన్ పూర్తయ్యేలోపు కనీసం 10 ఇలాంటి ప్రయోగాలను నిర్వ‌హించి కావాల్సిన అదనపు పరికరాలన్నింటినీ కక్ష్యలోకి తీసుకెళ్లాలని చైనా యోచిస్తున్న‌ది.ప్ర‌స్తుతం కక్ష్యలో ఉన్న అంత‌ర్జాతీయ అంతరిక్ష కేంద్రం.. రష్యా, యూఎస్, కెనడా, యూరప్, జపాన్ దేశాల మధ్య సహకారంతో న‌డుస్తున్న‌ది. ఇందులో పాల్గొనకుండా చైనాను నిరోధించారు. 2024 తర్వాత ఐఎస్ఎస్‌ రిటైర్ కానున్న‌ది. దాంతో భూమి క‌క్ష్య‌లో ఉన్న ఏకైక అంతరిక్ష కేంద్రంగా టియాన్‌హే నిలిచిపోనున్న‌ది.