హైదరాబాద్, మే 24, 
లాక్ డౌన్ సమయంలో పాజిటీవ్ కేసులు ఆశించిన మేరకు తగ్గినట్లు కనిపించలేదు. దీంతో మరోసారి లాక్ డౌన్ పొడిగించే ఆలోచనలో పడింది సర్కార్. మరోవైపు వాణిజ్య, ఎక్సైజ్ శాఖకు ప్రభుత్వం సంకేతాలిచ్చినట్లు సమాచారం.తెలంగాణలో లాక్‌డౌన్ పొడిగించనున్నారు. మరో వారం పాటు పొడిగించే అవకాశం ఉన్నట్లు సమాచారం. కరోనా కట్టడికి లాక్ డౌన్ విషయంలో ప్రభుత్వం మొదట్లో వెనుకడుగు వేసింది. లాక్ డౌన్ అవసరం లేదని భావించింది. అయితే కరోనా కేసుల సంఖ్య భారీగా పెరడగంతో లాక్ డౌన్ విధించడం తప్పనిసరైంది. దీంతో రాష్ట్ర వ్యాప్తంగా ఈనెల 12వ తేదీ నుంచి లాక్ డౌన్ అమలు చేసింది ప్రభుత్వం. ప్రస్తుతం లాక్ డౌన్ మరోసారి పొడిగించక తప్పదని రాష్ట్ర వైద్యశాఖ భావిస్తోంది. ఇప్పటికే దీనికి సంబంధించి వాణిజ్య, ఎక్సైజ్ శాఖకు ప్రభుత్వం సంకేతాలిచ్చినట్లు తెలుస్తోంది. లాక్ డౌన్ కరోనా నియంత్రణపై ఈనెల 28న సీఎం కేసీఆర్ సమీక్ష నిర్వహించనున్నారు. వైద్యశాఖ అభిప్రాయం మేరకు లాక్ డౌన్ పొడిగించే అవకాశం ఉందని ప్రభుత్వ వర్గాలు చెబుతున్నాయి. అయితే జూన్ మొదటి వారం వరకు లాక్ డౌన్ పొడిగించాలని మెజారిటీ రాష్ట్రాలు భావిస్తున్నాయి. లాక్ డౌన్ సమయంలో పాజిటీవ్ కేసులు ఆశించిన మేరకు తగ్గినట్లు కనిపించలేదు. అయితే లాక్ డౌన్‌తో కేసుల సంఖ్య కొంతవరకు తగ్గింది. ప్రస్తుతం తెలంగాణలో వ్యాక్సినేషన్ ప్రక్రియ నిలిచిపోయింది. దీంతో ప్రజలు ఇబ్బందులు పడుతున్నట్లు తెలియవచ్చింది. అయితే వ్యాక్సినేషన్లను దిగుమతి చేసుకునేందుకు తెలంగాణ ప్రభుత్వం గ్లోబల్ టెండర్లకు ఆహ్వానించింది. జూన్ మొదటి వారంలో వ్యాక్సినేషన్ ప్రక్రియను పెద్ద మొత్తంలో ప్రారంభించాలని ప్రభుత్వం భావిస్తోంది. ఇదే విషయమై ఇవాళ కేసీఆర్ సమీక్ష నిర్వహించి వ్యాక్సినేషన్‌పై కీలక నిర్ణయం తీసుకునే అవకాశాలు కనిపిస్తున్నాయి. ఇప్పుడున్నటువంటి పరిస్థితిలో లాక్ డౌన్‌ను మరికొన్ని రోజులపాటు పొడిగిస్తే మంచిదనే అభిప్రాయంలో ప్రభుత్వం ఉన్నట్లు తెలియవచ్చింది.