ముంబై, జూన్ 4,
అరియానా అనే పేరు ఇంతగా వినిపించడానికి కారణం రామ్ గోపాల్ వర్మ. గత ఏడాది వర్మను అరియానా ఇంటర్వ్యూ చేయడంతో ఒక్కసారిగా పాపులర్ అయ్యారు. అరియానా డ్రెస్సింగ్, ఆమె తొడల మీద అరియానా చేసిన కామెంట్లు, ఆమె సిగ్గుపడిన విధానం అన్నీ కూడా నెట్టింట్లో వైరల్ అయ్యాయి. అలాంటి బోల్డ్ ఇంటర్వ్యూను ట్రోలర్స్ ఎలా వాడుకుంటారో ఇక ప్రత్యేకంగా చెప్పనక్కర్లేదు. ఆ ఒక్క ఇంటర్వ్యూతోనే అరియానా సెలెబ్రిటీ అయ్యారు.ఆ ఇంటర్వ్యూతో వచ్చిన గుర్తింపే బిగ్ బాస్ షో వరకు అరియానాను పట్టుకెళ్లింది. అలా ఆర్జీవీ పుణ్యమా అంటూ అరియానా నేడు ఈ స్టేటస్‌ను అనుభవిస్తోన్నారు. అయితే సన్నీ లియోన్ వచ్చిందనే ఒకే ఒక్క కారణంతో బిగ్ బాస్ షోను చూసిన ఆర్జీవీ.. అరియానా కోసం ఒక్క ఎపిసోడ్‌ను చూసినట్టున్నారు. చివరి రోజుల్లో అరియానాను సపోర్ట్ చేయండంటూ వర్మ మద్దతు కూడా పలికారు. మామూలుగా అలాంటి విషయాల్లో ఎక్కువ తలదూర్చని వర్మ.. అరియానా కోసం కదిలి వచ్చారు.
మొత్తానికి వర్మ అరియానా బంధం అలా కొనసాగుతూవచ్చింది. కానీ బిగ్ బాస్ నుంచి బయటకు వచ్చాక మళ్లీ వర్మను అరియానా కలిసే సందర్భం రాలేదు. కానీ ఇప్పుడు ఆ సమయం వచ్చినట్టుంది. ఇన్ని రోజులకు అరియానా ఆర్జీవీలు కలుసుకున్నారు. అయితే వర్మను ఇంటర్వ్యూ చేసేందుకు అరియానా వెళ్లారట. ఇంటర్వ్యూ అనంతరం వర్మ తన స్టైల్లో అరియానాను వాడేసుకున్నారు.అసలే ఈ మధ్య వర్మ వర్కవుట్లు చేస్తూ ఫుల్ బిజీగా ఉన్నారు. కండలు పెంచడంలో ఎంతో బిజీగా ఉన్న వర్మ.. జిమ్ ఏరియాలోనే ఎన్నో ఇంటర్వ్యూలు ఇచ్చారు. తాజాగా అరియానాతో ఇంటర్వ్యూ పూర్తయ్యాక ఇలా ఇద్దరం కలిసి వర్కవుట్లు చేశామని ఓ ఫోటోను షేర్ చేశారు.