రెండు వందల కోట్ల రూపాయల వసూళ్లను సాధించింది మా సినిమా.. అని ప్రకటించారు ‘రంగస్థలం’ రూపకర్తలు. ఈ మేరకు ఈ సినిమాను నిర్మించిన మైత్రీ మూవీ మేకర్స్ ఒక పోస్టర్‌ను విడుదల చేసింది. మే డే శుభాకాంక్షలు తెలుపుతూ విడుదల చేసిన ఆ పోస్టర్లో రంగస్థలం రెండు వందల కోట్ల రూపాయల వసూళ్లను సాధించినట్టుగా పేర్కొన్నారు. టాలీవుడ్ చరిత్రలో ఆల్ టైమ్ థర్డ్ హయ్యెస్ట్‌గా నిలుస్తాయి ఈ వసూళ్లు. బాహుబలి 2 వసూళ్లలో నంబర్ వన్ పొజిషన్లో ఉంటుంది, బాహుబలి రెండోస్థానంలో ఉంటుంది. నిర్మాతల ప్రకటనను బట్టి, రెండు వందల కోట్ల రూపాయలతో రంగస్థలం మూడో స్థానంలో నిలిచినట్టే. మార్చి 30వ తేదీన విడుదల అయ్యింది ‘రంగస్థలం’. తొలి షో నుంచి పాజిటివ్ టాక్‌తో, మంచి రేటింగ్స్‌తో ఈ సినిమా దూసుకుపోతోంది. రెండు వందల కోట్ల రూపాయల వసూళ్లను సాధించిందన్న నిర్మాతల ప్రకటన మెగా ఫ్యాన్స్‌కు కొత్త ఉత్సాహాన్ని ఇస్తోంది.