హైదరాబాద్, జూన్ 18, 
అనసూయ భరద్వాజ్ సోషల్ మీడియాలో చేసే రచ్చ గురించి ప్రత్యేకంగా చెప్పాల్సిన పనిలేదు. కాంట్రవర్సీలకు కేరాఫ్ అడ్రస్‌గా నిలిచే అనసూయ ఎప్పుడూ ఏదో ఒక టాపిక్ మీద హాట్ టాపిక్ అవుతుంటారు. సోషల్ మీడియాలో అనసూయ చేసే పనులు, షేర్ చేసే ఫోటోలు అందరినీ ఆకర్షిస్తుంటాయి. ఎప్పుడూ కూడా అనసూయ వస్త్రాధారణపై ట్రోల్స్ జరుగుతూనే ఉంటాయి. ఇక నెగెటివ్ కామెంట్లను భరించలేక అనసూయ అందరినీ బ్లాక్ చేసేస్తుంటారు. అయినా కూడా అనసూయ మాత్రం సోషల్ మీడియా భారీ ఫాలోయింగ్‌ను సంపాదించుకుంటున్నారు.తాజాగా అనసూయ తన భర్తతో కలిసి వ్యాక్సిన్ వేయించుకున్నారు. ఒకానొకప్పుడు 45 ఏళ్లు పైబడిన వారికి మాత్రమే వ్యాక్సిన్ ఇచ్చేవారు. ఆ సమయంలో వ్యాక్సిన్ గురించి అనసూయ చేసిన కామెంట్లు వైరల్ అయ్యాయి. మీరు వ్యాక్సిన్ వేసుకున్నారా? అని ఓ నెటిజన్ అడిగితే.. తాను ఇంకా ఆ వయసు కేటగిరీలో పడలేదని సెటైర్ వేశారు. అయితే ఇప్పుడు 18 ఏళ్లు నిండిన ప్రతీ ఒక్కరికీ వ్యాక్సిన్ వేస్తున్నారు. ఈ క్రమంలో ఎన్నో స్వచ్చంద సంస్థలు కూడా వ్యాక్సినేషన్ డ్రైవ్‌ను చేపడుతున్నారు.అనసూయ వ్యాక్సిన్ వేయించుకున్నారు. అయితే అనసూయకు ఇంజక్షన్‌లంటే భయమని తెలుస్తోంది. వ్యాక్సిన్ వేస్తున్న సమయంలో భర్త చేతిని గట్టిగా పట్టుకుని, కళ్లు మూసుకుని తెగ భయపడిపోయారు. మొత్తానికి వ్యాక్సిన్ వేసుకున్నామని అనసూయ చెప్పుకొచ్చారు. అంకుర హాస్పిటల్స్ చేపట్టిన వ్యాక్సినేషన్ డ్రైవ్ బాగుందని కూడా అనసూయ కితాబిచ్చారు. అనసూయ కెరీర్ విషయానికొస్తే.. వెండితెరపై మ్యాజిక్ క్రియేట్ చేసేందుకు రెడీగా ఉన్నారు. కోలీవుడ్, మాలీవుడ్, టాలీవుడ్‌లలో పలు ఆఫర్లను కొట్టేశారు. పుష్ప, మమ్ముట్టి సినిమా షూటింగ్‌లో ఆల్రెడీ అనసూయ పాల్గొన్న సంగతి తెలిసిందే.