కేటీఆర్ ను అడ్డుకున్న ఏబీవీపీ కార్యకర్తలు
మహబూబ్ నగర్, జూలై 10,
నారాయణ పేట జిల్లాలో కేటీఆర్  కాన్వాయ్ ను ఎబివిపి కార్యకర్తలు అడ్డుకున్నారు. నారాయణ పేట జిల్లా కేంద్రంలో రాష్ట్ర ఐటీ, పురపాలక శాఖ మంత్రి కేటీఆర్ పర్యటించారు. ఆసుపత్రిని ప్రారంభించి మరొక కార్యక్రమానికి హాజరయ్యేందుకు వెళ్తున్న కేటీఆర్  కాన్వాయ్ ని ఏవీబీపీ కార్యకర్తలు అడ్డుకోవడంతో ఉద్రిక్తత వాతావరణం నెలకొన్నది. పోలీసులు ఎబివిపి కార్యకర్తలపై లాఠీ ఛార్జ్ చేసి చెదరగొట్టారు.మంత్రి పర్యటనలో అకస్మాత్తుగా కాన్వాయ్‎ని ఏబీవీపీ, బీజేపీ కార్యకర్తలు అడ్డుకున్నారు. ఒక్కసారిగా కేటీఆర్ కాన్వాయ్ మీదకి దూసుకురావడంతో ఏబీవీపీ, బీజేపీ కార్యకర్తలపై పోలీసులు లాఠీచార్జ్ చేశారు. దీంతో మంత్రి పర్యటనలో ఉద్రిక్తత వాతావరణం చోటు చేసుకుంది. ఏబీవీపీ, బీజేపీ కార్యకర్తలను అరెస్ట్ పోలీస్ స్టేషన్‎కు తరలించారు.జిల్లా కేంద్రంలోని ప‌ర్య‌ట‌న‌లో భాగంగా ప‌లు అభివృద్ధి ప‌నుల‌కు మంత్రి కేటీఆర్ శంకుస్థాపనలు, ప్రారంభోత్స‌వాలు చేశారు. నారాయ‌ణ‌పేట జిల్లాలోని ఆస్ప‌త్రిలో చిన్న‌పిల్ల‌ల ఐసీయూ వార్డును మంత్రి ప్రారంభించారు. ఈ కార్య‌క్ర‌మాల్లో మంత్రి శ్రీనివాస్ గౌడ్, ఎమ్మెల్యే రాజేంద‌ర్ రెడ్డి, క‌లెక్ట‌ర్ హరిచంద‌న‌తో పాటు ప‌లువురు నాయ‌కులు, అధికారులు పాల్గొన్నారు.