నెల్లూరు రవాణాశాఖ కార్యాలయంలో అటెండరు కోట్లకు పడగలెత్తాడు. ఎంత ఎత్తుకు ఎదిగాడంటే ఏకంగా ఎన్నికల్లో ఎమ్మెల్యే పదవికి పోటీచేసే అభ్యర్థులకు వడ్డీకి అప్పులిచ్చే స్థాయిని సొంతం చేసుకున్నాడు. అతడి అక్రమ సంపాదన అవినీతి నిరోధక శాఖ లెక్కల ప్రకారం ఏకంగా రూ.120  కోట్లు దాటింది.. నరసింహారెడ్డి పదోన్నతుల్ని కాలదన్ని ఈ చిరుద్యోగాన్నే బంగారు బాతుగా మలచుకున్నాడు. అక్రమంగా సంపాదించిన ఆస్తిపాస్తుల పట్ల కూడా ఎన్నో జాగ్రత్తలు తీసుకున్నాడు. తన పేర తక్కువ ఉంచుకుని సింహభాగం భార్య పేరిట ఉండేలా చూసుకోవడం అందులో ఒకటికేజీల్లో బంగారం... కట్టలకొద్ది డబ్బు... విలువైల స్థలాలు... ఇది నెల్లూరులో ఏసీబీకి చిక్కిన ఆర్టీఏ ఆఫీస్‌లో పనిచేసే అటెండర్ నరసింహారెడ్డి ఆస్తులు. రెండో రోజు కూడా ఏసీబీ తనిఖీలు కొనసాగించింది. నరసింహారెడ్డికి సంబంధించిన బ్యాంకు లాకర్లను ఓపెన్ చేసిన అధికారులకు దిమ్మ తిరిగిందట. వాటిలో కిలోల కొద్ది బంగారం, వెండి చూసి షాక్ అయ్యారట. ఒక్క బ్యాంకు లాకర్‌లోనే ఏకంగా 2.5 కిలోల గోల్డ్ దొరికిందట. కొంత వెండి కూడా సీజ్ చేసినట్లు తెలుస్తోంది. అతడికి ఇంకా లాకర్లు ఏమైనా ఉన్నాయా అని ఆరా తీస్తున్న అధికారులు... బ్యాంకు అకౌంట్లను కూడా పరిశీలిస్తున్నట్లు సమాచారం అందుతోంది. నిన్న ఒక్కరోజే రూ.80కోట్ల ఆస్తులు బయటపడగా... ఇప్పుడు దొరికిన బంగారంతో ఆ లెక్క ఇంకా మించిపోతోందట.నరసింహారెడ్డి నెల్లూరు ఆర్టీఏ ఆఫీస్‌లో అటెండర్‌గా పనిచేస్తున్నాడు. అతడికి ఆదాయానికి మించిన ఆస్తులున్నాయనే ఫిర్యాదు రావడంతో... ఏసీబీ దాడులు చేసింది. అతడితో పాటూ బంధువుల ఇళ్లలోనూ తనిఖీలు చేశారు. నెల్లూరులోని నివాసంలో వ్యవసాయ భూమికి సంబంధించిన పాసు పుస్తకాలు, ప్లాట్లకు సంబంధించి డాక్యుమెంట్లు రెండు కిలోల బంగారం, రూ.7.7 లక్షల డబ్బు సీజ్ చేశారు. అతడికి మొత్తం 50 ఎకరాల భూమి, 10కిపైగా ప్లాట్లు కూడా ఉన్నాయని అధికారులు గుర్తించారు. అలాగే భార్య పేరు మీద కూడా కొన్ని ఆస్తులు ఉన్నట్లు తెలుస్తోంది.అటెండర్‌ స్థాయిలో ఉన్న వ్యక్తికి ఇంత భారీ ఎత్తున ఆస్తులు ఉండటంపై అనుమానాలు వ్యక్తమయ్యాయి. ఇవన్నీ బినామీ ఆస్తులు అయ్యుండచ్చని భావిస్తున్నారు. అంతేకాదు గతంలో నరసింహారెడ్డికి ప్రమోషన్లు కూడా వచ్చాయట... అయినా వాటిని వదులుకొని... నెల్లూరులోనే అటెండర్‌గా పనిచేయడంపై కూడా అధికారులు ఆరా తీస్తున్నట్లు తెలుస్తోంది. .