మామిడి దినోత్సవం జయప్రదం చేయాలి
చిత్తూరు
ఈనెల 23వ తేదీన నిర్వహించే ప్రపంచ మామిడి దినోత్సవం జయప్రదం చేయాలని ఏపీ రైతు సంఘం నాయకులు పిలుపునిచ్చారు. ఈ సభను విజయవంతం చేయాలని శుక్రవారం చిత్తూరు గాంధీ విగ్రహం వద్ద కరపత్రాలు విడుదల చేశారు . అనంతరం ఏపీ రైతు సంఘం చిత్తూరు జిల్లా అధ్యక్షులు జనార్థన్,  జిల్లా కార్యదర్శి నరసింహులు, మాట్లాడుతూ ఈ నెల 23వ తేదీన చిత్తూరు నగరంలోని వ్యవసాయ మార్కెట్ యార్డులో ప్రపంచ మామిడి దినోత్సవం నిర్వహిస్తున్నట్లు తెలిపారు.  చిత్తూరు జిల్లా మామిడి పంటల సాగులో రాష్ట్రంలోనే అగ్రస్థానంలో ఉందన్నారు . మామిడికి గిట్టుబాటు ధర లేక ప్రభుత్వ సహకారం లేకపోవడంతో ఈ సీజన్లో జిల్లాలో రైతుల సుమారు 2 వేల కోట్ల వరకు నష్టపోయారన్నారు.  ఇప్పటికైనా ప్రభుత్వం మామిడి రైతులను ఆదుకోవాలని డిమాండ్ చేశారు. ఈ కార్యక్రమంలో సురేంద్రనాధ్  ,   మునిరత్నం,  విజయ రెడ్డి,  పద్మనాభ నాయుడు,  తదితరులు పాల్గొన్నారు.