మాణిక్ రాం ఠాగూర్ సీరియస్
హైదరాబాద్, జూలై 19, 
టీపీసీసీ అధ్యక్షుడు రేవంత్‌రెడ్డి అరెస్టుపై మండిపడ్డారు తెలంగాణా కాంగ్రెస్ వ్యవహారాల ఇంఛార్జి మాణికం ఠాగూర్ తెలిపారు. రేవంత్ రెడ్డిని వెంటనే విడుదల చేయాలని ఆయన డిమాండ్ చేశారు. ఈ అంశాన్ని ఖచ్చితంగా పార్లమెంటులో లేవనెత్తుతామని ఠాగూర్ అన్నారు. తెలంగాణ ప్రభుత్వ తీరు హిట్లర్‌ను తలపిస్తోందని ఆయన మండిపడ్డారు. సీఎం కేసీఆర్, మంత్రి కేటీఆర్ ఏ ప్రజాస్వామ్య సూత్రాలు పాటిస్తున్నారని ప్రశ్నించారు.కోకాపేట భూములను పరిశీలించేందుకు కాంగ్రెస్ నేతలు రేవంత్, జగ్గారెడ్డి, దామోదర రాజనర్సింహ, మహేష్‌గౌడ్ నేతృత్వంలోని టీపీసీసీ కమిటీతో కలిసి వెళ్లాలని నిర్ణయించారు. అయితే ఈ పర్యటనను అడ్డుకునేందుకు రేవంత్‌రెడ్డిని పోలీసులు హౌస్ అరెస్ట్ చేశారు. రేవంత్‌రెడ్డి ఇంటి వద్ద భారీగా మోహరించి ఆయన ఇంటి నుంచి బయటకు వెళ్లకుండా అడ్డుకున్నారు. దీంతో రేవంత్ సైతం మండిపడ్డారు. తనను లోక్ సభకు వెళ్లకుండా అడ్డుకోవడం సరికాదని సీరియస్ అయ్యారు.