దాసరి సినీ అవార్డులు: సుమ, శేఖర్ కమ్ములకు ‘ఫాస్’ పంటఫిలిం ఎనాలిటికల్‌ అండ్‌ అప్రిషియేషన్‌ సొసైటీ(ఫాస్‌) దాసరి 2018 ఫిలిం అవార్డులను ప్రకటించింది. మే 6వ తేదీన హైదరాబాద్‌లోని త్యాగరాయ గానసభ వేదికగా ఈ అవార్డులను ప్రదానం చేయనున్నారు. ఈమేరకు సంస్థ అధ్యక్షులు, సెన్సార్‌ బోర్డు  సభ్యులు కె.ధర్మారావు ఈ వెల్లడించారు.దాసరి కీర్తి కిరీట సిల్వర్ క్రౌన్ అవార్డులను ప్రముఖ దర్శకుడు కోడి రామకృష్ణ, యాంకర్ సుమ కనకాల అందుకోనున్నారు. దాసరి జీవన సాఫల్య పురస్కారాన్ని ప్రముఖ నిర్మాత, పీఆర్‌వో, సూపర్ హిట్ సినీ వార పత్రిక ఎడిటర్ అండ్ పబ్లిషర్ బీఏ రాజుకు అందజేయనున్నారు. 

ఇతర అవార్డుల వివరాలు.. 

డైరెక్టర్ ఆఫ్ ది ఇయర్: శేఖర్ కమ్ముల (ఫిదా)

ఉత్తమ గేయ రచయిత: సుద్దాల అశోక్ తేజ

ఉత్తమ గాయని: మధు ప్రియ

ఉత్తమ ప్రశంసా దర్శకుడు: వడ్డేపల్లి కృష్ణ (లావణ్య విత్ లవ్ బాయ్స్)

దాసరి ప్రతిభా పురస్కారాలు: సంపూర్ణేష్‌బాబు, శివపార్వతి, సంగీత దర్శకులు వాసూరావు, మాటల రచయిత సంజీవి

దాసరి విశిష్టసేవా పురస్కారం: రెడ్‌క్రాస్ సొసైటీ అధ్యక్షుడు లయన్ డా. ఎ.నటరాజుకు ప్రదానం చేయనున్నారు.

ఈనెల 6న దాసరి సినీ అవార్డుల కార్యక్రమానికి సభాధ్యక్షులుగా కైకాల సత్యనారాయణ వ్యవహరిస్తారు. చైర్మన్‌గా రేలంగి నరసింహారావు, ఫెస్టివల్ చైర్మన్‌గా లయన్ ఎ. విజయకుమార్ వ్యవహరించనున్నారు. ఈ కార్యక్రమానికి ముఖ్య అతిథిగా అలనాటి సీనియర్ నటి జమున హాజరుకానున్నారు. డైనమిక్ లేడీ డైరెక్టర్ జయ బి. సభను ప్రారంభిస్తారు. సన్మానకర్తగా ప్రముఖ దర్శకుడు ఎన్.శంకర్ విచ్చేయనున్నారు.