అమరావతి జూలై 28
పశ్చిమ గోదావరి జిల్లాలో ఘోర రోడ్డు ప్రమాదం జరిగింది. ప్రయాణికులతో వెళ్తున్న ఆటోను లారీ ఢీకొట్టింది. ఈ దుర్ఘటనలో ముగ్గురు అక్కడికక్కడే మృత్యువాతపడ్డారు. ఈ ఘటన నల్లజర్ల మండలం పుల్లలపాడులో బుధవారం మధ్యాహ్నం చోటు చేసుకుంది. నల్లజర్ల నుంచి భీమడోలు మండలం పోలసానపల్లికి ఆటో వెళ్తున్న సమయంలో పుల్లలపాడువద్ద లారీ ఢీకొట్టింది. ఆటోలో ప్రయాణిస్తున్న ముగ్గురు మృతి చెందగా.. మరో నలుగురు తీవ్రంగా గాయపడ్డారు. వెంటనే క్షతగాత్రులను ఆసుప్రతికి తరలించారు. సమాచారం అందుకున్న పోలీసులు సంఘటనా స్థలానికి చేరుకొని.. ఘటన జరిగిన తీరును పరిశీలించారు. ప్రమాదంపై కేసు నమోదు చేసి దర్యాప్తు చేస్తున్నారు. ఘటనకు సంబంధించి పూర్తి వివరాలు తెలియాల్సి ఉన్నది.