నెల్లూరు 
చిరంజీవి చారిటబుల్ ట్రస్ట్ ఆధ్వర్యంలో నడుస్తున్న ఆక్సిజన్ బ్యాంకుకు ఎన్నారై జనసేన 37 లక్షల 50 వేల నగదుకు సంబంధించిన చెక్కును మెగాస్టార్, పద్మభూషణ్ చిరంజీవికి అందజేశారు. ఈ సందర్భంగా నెల్లూరు జనసేన యువ నాయకులు గునుకుల కిషోర్ మాట్లాడుతూ చిత్ర పరిశ్రమలో తనకంటూ ప్రత్యేకత చాటుకున్న మెగాస్టార్ చిరంజీవి ప్రజాసంక్షేమం కోసం అనేక సేవా కార్యక్రమాలు నిర్వహించడం జరుగుతుందన్నారు. అందులో భాగంగానే సృష్టి సోయగాలు, మానవ పరిసర సంబంధాలు కళ్ళారా చూడలేని అందులకు, కంటి చూపు ప్రసాదించేందుకు అనేక కంటి ఆపరేషన్లు , ఉచిత కళ్లద్దాలు పంపిణీ అభినందనీయమన్నారు. ఒక రక్తదాత సహకారంతో ముగ్గురికి ప్రాణదానం ఇవ్వగల చిరంజీవి బ్లడ్ బ్యాంక్ ఏర్పాటు చేసి, రక్త దాతల సహకారంతో లక్షలాది రక్త యూనిట్లను ప్రభుత్వ ప్రైవేట్ ఆసుపత్రులకు , వ్యక్తిగత ఆరోగ్య అవసరాలకు రక్త యూనిట్లను సరఫరా చేయడం జరుగుతుందన్నారు , ఈ క్రమంలో కంటికి కనిపించని కరోనా వైరస్ ప్రపంచ దేశాల ప్రజలను భయబ్రాంతులకు గురి చేయడమే కాకుండా , అనేక మంది ప్రాణాలను సైతం తీసుకున్న విషయం అందరికీ తెలిసిందేనన్నారు. ఈ క్రమంలో ప్రాణాపాయ స్థితిలో ఉన్న రోగులకు ఆక్సిజన్ అందించేందుకు చిరంజీవి చారిటబుల్ ట్రస్ట్ ద్వారా ప్రత్యేక బ్యాంకులను ఏర్పాటు చేయడం హర్షణీయమన్నారు. ఈ నేపథ్యంలో తన వంతు బాధ్యతగా ఎన్నారై జనసేన ఆధ్వర్యంలో 37 లక్షల 50 వేల విరాళాన్ని చారిటబుల్ ట్రస్ట్ అధినేత చిరంజీవికి అందజేయడం మా పూర్వజన్మ సుకృతంగా భావిస్తున్నామన్నారు. ఈ కార్యక్రమంలో నెల్లూరు జిల్లా జనసేన నాయకులు తదితరులు పాల్గొన్నారు.