ప్ర‌ధాని న‌రేంద్ర మోదీతో ముఖ్య‌మంత్రి కేసీఆర్ భేటి
న్యూఢిల్లీ సెప్టెంబర్ 3
 ఢిల్లీ ప‌ర్య‌ట‌న‌లో ఉన్న ముఖ్య‌మంత్రి కేసీఆర్ శుక్ర‌వారం సాయంత్రం ప్ర‌ధాని న‌రేంద్ర మోదీతో స‌మావేశ‌మ‌య్యారు. ఈ సంద‌ర్భంగా రాష్ట్రానికి సంబంధించిన ప‌లు అంశాల‌పై మోదీతో కేసీఆర్ చ‌ర్చించే అవ‌కాశం ఉంది. రాష్ట్రానికి రావాల్సిన పెండింగ్ నిధుల‌తో పాటు కృష్ణా, గోదావ‌రి బోర్డుల గెజిట్‌పై చ‌ర్చించ‌నున్న‌ట్లు స‌మాచారం.ఈ నెల 1వ తేదీన ఢిల్లీకి వెళ్లిన సీఎం కేసీఆర్.. నిన్న మ‌ధ్యాహ్నం 1:48 గంట‌ల‌కు వ‌సంత్ విహార్‌లో తెలంగాణ భ‌వ‌న్ నిర్మాణానికి భూమి పూజ చేసిన సంగ‌తి తెలిసిందే. ఈ కార్య‌క్ర‌మంలో టీఆర్ఎస్ ఎమ్మెల్యేలు, ఎమ్మెల్సీలు, ఎంపీల‌తో పాటు ప‌లువురు నాయ‌కులు పాల్గొన్నారు.