హైదరాబాద్ సెప్టెంబర్ 9, 
వకీల్‌సాబ్‌లాంటి సూపర్‌ హిట్‌ తర్వాత పవన్‌ కళ్యాణ్‌ నటిస్తోన్న చిత్రం ‘భీమ్లా నాయక్‌’. సాగర్‌ చంద్ర దర్శకత్వం వహిస్తున్న ఈ సినిమాలో పవన్‌ పోలీసు ఆఫీసర్‌ పాత్రలో నటిస్తున్నారు. ఈ సినిమాపై పవన్‌ అభిమానులతో పాటు ఇండస్ట్రీలో కూడా భారీగా అంచనాలున్నాయి. ఈ చిత్రాన్ని మలయాళంలో వచ్చిన అయ్యప్పనుమ్ కోషియం సినిమాకు రీమేక్‌గా తెరకెక్కిస్తోన్న విషయం తెలిసిందే. పవన్‌, రానా వంటి ఇద్దరు బడా హీరోలు నటిస్తుండడంతో ఈ సినిమాపై అందరిలోనూ క్యూరియాసిటీ నెలకొని ఉంది. ఇక ఈ సినిమాలో నిత్యామీనన్‌, ఐశ్వర్య రాజేశ్‌లు హీరోయిన్‌లుగా నటిస్తున్నారు.ఇదిలా ఉంటే తాజాగా ఈ సినిమా టైటిల్‌ సాంగ్‌ను చిత్ర యూనిట్‌ విడుదల చేసిన విషయం తెలిసిందే. రామజోగయ్య శాస్త్రి సాహిత్యం అందించిన ఈ పాట అభిమానులను ఎంతగానో ఆకట్టుకుంటోంది. తాజాగా ఈ పాట మరో అరుదైన రికార్డును సొంతం చేసుకుంది. విడుదలైన ఆరు రోజుల్లోనే యూట్యూబ్‌లో ఏకంగా 20 మిలియన్‌ ప్లస్‌ వ్యూస్‌తో దూసుకుపోతోంది. అత్యంత తక్కువ సమయంలో ఎక్కువ వ్యూస్‌ సాధించిన పాటగా నిలిచింది. ప్రస్తుతం శరవేగంగా షూటింగ్‌ జరుపుకుంటోన్న ఈ సినిమాను జనవరి 12న సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తోంది.