.jpg)
హాట్ టాపిక్ గా మారిన నాగ్ సమ్ము
హైదరాబాద్, సెప్టెంబర్ 13,
తనకున్న స్టార్ స్టేటస్‌కి అక్కినేని కోడలు అనే ట్యాగ్ యాడ్ చేసుకొని అమాంతం తన ఫాలోయింగ్ పెంచేసుకుందిసమంత. నాగ చైతన్య భార్యగా అక్కినేని వారింట అడుగుపెట్టాక సినిమాలతో పాటు పలు వ్యాపార కార్యకలాపాల్లోనూ యాక్టివ్ రోల్ పోషిస్తూ సత్తా చాటుతోంది. మరోవైపు సోషల్ మీడియాలో అభిమానులతో నిత్యం టచ్‌లో ఉండే సమంత.. ఉన్నట్టుండి తన ట్విట్టర్ ఖాతాలోంచి అక్కినేని అనే పదాన్ని తొలగించడంతో ఇష్యూ మొదలైంది. చై- సామ్ డివోర్స్ తీసుకోబోతున్నారంటూ ఊహాగానాలు వైరల్ అయ్యాయి.దీంతో నిత్యం సోషల్ మీడియాలో ఎక్కడోచోట చై- సామ్ డివోర్స్ టాపిక్ దర్శనమిస్తుండటం, జనం ఈ టాపిక్ గురించే జోరుగా చర్చించుకోవడం లాంటి పరిణామాలు చోటు చేసుకుంటున్నాయి. హీరో హీరోయిన్ల మ్యాటర్, అది కూడా స్టార్ స్టేటస్ ఉన్న సెలబ్రిటీ
భార్యాభర్తల విడాకుల వ్యవహారం కావడంతో ఇండ్ర‌స్ట్రీ మొత్తం ఇదే టాపిక్ హాట్ ఇష్యూగా మారింది. నాగ చైతన్య- సమంతలు విడాకుల బాట పట్టారని, అందుకే ఈ మధ్యకాలంలో సామ్ ఒంటరిగా కనిపిస్తోందని చెప్పుకుంటున్నారు.అయితే ఇప్పటిదాకా ఈ విడాకుల ఇష్యూ గురించి అటు సమంత గానీ, ఇటు అక్కినేని ఫ్యామిలీ గానీ ఎక్కడా రియాక్ట్ కాలేదు. దీంతో ఇది నిజమే కావొచ్చనే సందేహాలు తలెత్తాయి. అదేవిధంగా చై- సామ్ ఇద్దరూ కూడా విడాకుల కోసం ప్రయత్నిస్తున్నారని, ప్రస్తుతం అది ఫ్యామిలీ కోర్టులో కౌన్సిలింగ్ స్టేజ్‌లో ఉందని తెలుస్తుండటం మరిన్ని అనుమానాలు క్రియేట్ చేసింది. ఈ పరిస్థితుల నడుమ సమంత ఓ కీల‌క నిర్ణ‌యం తీసుకున్న‌ట్లు వార్తలు వస్తుండటంతో అక్కినేని అభిమానుల్లో ఆందోళన మొదలైంది.సినిమాల‌కు బ్రేక్ ఇవ్వాల‌నుకుంటున్నా అని రీసెంట్‌గానే ప్రకటించిన సమంత.. త్వ‌ర‌లోనే ముంబైకి షిఫ్ట్ కావాలని నిర్ణయించుకున్నట్లు ఇన్‌సైడ్ టాక్. ఈ మేరకు అక్కడ ఓ భవనం కూడా కొనుగోలు చేసిందని సమాచారం. దీంతో సమంత ముంబైకి మ‌కాం మార్చాలనుకోవడం వెనుక అసలు కారణం అక్కినేని కుటుంబంతో తెగదెంపులు చేసుకోవడమేనా? లేక మరేదైనా ఉందా అనే కోణంలో జనం చర్చించుకుంటున్నారు. సో.. సినీ సర్కిల్స్‌లో ఇంతలా ఇష్యూ అవుతున్న చై- సామ్ విడాకుల గురించి ఈ సెలబ్రిటీ కపుల్ స్పందిస్తారా? లేక లైట్ తీసుకుంటారా అనేది చూడాలి మరి!.