కడప
కడప జిల్లా బద్వేల్ నెల్లూరు రోడ్డు నాగభూషణం డిగ్రీ కళాశాల సమీపంలోని పాత ఇనుప సామాన్ల ప్లాస్టిక్  గోడౌన్ లో భారీ అగ్ని ప్రమాదం సంభవించింది.  విద్యుత్ షార్ట్ సర్క్యూట్  తో హఠాత్తుగా రాత్రి సుమారు 11 30 నిమిషాలకు ఒక్కసారిగా మంటలు ఎగిసిపడడంతో పాత ఇనుప సామాను అంగడి తో పాటు పక్కనే ఉన్న ఆర్ఆర్ చికెన్ సెంటర్ కు కు మంటలు వ్యాపించాయి.  బద్వేల్ అగ్నిమాపక కేంద్రంలో ఫైర్ ఇంజన్ సాంకేతిక మరమ్మత్తుల కారణంగా లేకపోవడంతో పక్కనే ఉన్న పోరుమామిళ్ల అగ్నిమాపక కేంద్రానికి సమాచారం ఇవ్వడంతో  ఫైర్ ఇంజన్ 30 కిలోమీటర్ల దూరం నుంచి వచ్చింది.  అంతలోపే జరగవలసిన నష్టం జరిగింది. భారీగా ఆస్తి నష్టం సంభవించింది. ఆర్ఆర్ చికెన్ సెంటర్ లోని కోళ్లు కూడా  మృతి చెందినట్టు సమాచారం. ఫైర్ సిబ్బంది శ్రమించి చివరకు మంటలు అదుపు చేశారు