ఏపీకి ప్రత్యేక హోదా కోసం తెలుగుదేశం పార్టీ నిర్వహిస్తున్న సైకిల్ ర్యాలీలో ఎమ్మెల్యే గోనుగుంట్ల సూర్యనారాయణ వడదెబ్బకు గురయ్యారు. మార్గమధ్యంలోనే కుప్పకూలిపోయారు.  మండుతున్న ఎండల్లో కొనసాగుతున్న ఈ యాత్రల్లో టీడీపీ నేతలు అస్వస్థతకు గురవుతున్నారు. సోమవారం ధర్మవరంలో సైకిల్ యాత్ర చేస్తుండగా మార్గమధ్యంలోనే కుప్పకూలిపోయారు. వెంటనే టీడీపీ నేతలు, కార్యకర్తలు ఆయనను హుటాహుటిన ఆసుపత్రికి తరలించారు. పోతకుంట గ్రామం నుంచి ధర్మవరం పట్టణానికి ఈ ఉదయం ఆయన 10 కిలోమీటర్ల యాత్రను చేపట్టారు. ఈ సందర్భంగానే ఆయన అస్వస్థతకు గురయ్యారు. ఇటీవలే ఎంపీ మాగంటి బాబు కూడా సైకిల్ యాత్ర సందర్భంగా అస్వస్థతకు గురైన సంగతి తెలిసిందే.