ఫ్రకాష్ రాజ్ కు మద్దతుగా పూనమ్ కౌర్
హైదరాబాద్, అక్టోబరు 2,
ప్రస్తుతం టాలీవుడ్‌లో ట్రెండ్ అవుతున్న టాపిక్స్ కొన్ని ఉన్నాయి. అందులో మా ఎన్నికలు ఒకటి. పవన్ కళ్యాణ్ ప్రసంగం, వాటి మీద పోసాని వేసిన కౌంటర్లు, వాటిపై పవర్ స్టార్ ఫ్యాన్స్ తిరగబడిన వైనం, మధ్యలో పూనమ్ కౌర్ వ్యవహారం ఇలా కొన్ని టాపిక్‌లు ట్రెండ్‌లో ఉన్నాయి. ఇక పంజాబీ అమ్మాయి అంటూ ఆమెకు జరిగిన మోసాన్ని పోసాని బయటపెట్టేశాడు. అయితే పోసానీ ఎక్కడా కూడా పేరు బయటపెట్టలేదు. కానీ జనాలకు మాత్రం ఆమె పూనమ్ కౌర్ ఇట్టే తెలిసిపోయింది. అలా పోసాని కామెంట్లతో నెటిజన్లు అంతా కూడా పూనమ్ కౌర్‌ను ట్యాగ్ చేసేశారు.జస్టిస్ ఫర్ పంజాబీ గర్ల్, పంజాబీ నటి అంటూ ట్రెండ్ చేసేశారు. అలా గత రెండు మూడు రోజులుగా పూనమ్ కౌర్ వార్తల్లో నిలుస్తూనే ఉంది. అయితే తాజాగా పూనమ్ కౌర్ మా ఎన్నికల్లోనూ వేలు పెట్టేసింది. అసలే మా ఎన్నికల్లో రెండు వర్గాలు ఒకరిపై ఒకరు మాటల దాడి చేసుకుంటున్నారు. ఇక మంచు విష్ణు ప్యానెల్, ప్రకాష్ రాజ్ ప్యానెల్ చేస్తోన్న హడావిడి అంతా ఇంతా కాదు. ఈ మధ్యలో బండ్ల గణేష్ చేస్తోన్న డ్రామాలు మామూలుగా లేవు. మొన్నటి వరకు పోటీలో నిలబడతా.. గెలుస్తా అంటూ ప్రగల్భాలు పలికాడు. తీరా నామినేషన్ ఉపసంహరించుకున్నాడు.అయితే తాజాగా మా ఎన్నికల ప్రచారంలోకి పూనమ్ కౌర్ ఎంట్రీ ఇచ్చింది. ప్రకాష్ రాజ్‌కు మద్దతు ఇస్తున్నట్టు ప్రకటించింది. ఆయన గెలవాలి, ఒకవేళ ఆయన గెలిస్తే ఎంతో కాలం నుంచి నేను మాట్లాడుకుండా నోరు మూసుకుని ఉన్నటు వంటి సమస్యలు, నేను పడిన బాధలన్నీ చెబుతాను. చిల్లర రాజకీయాలను చేయని ఏకైక వ్యక్తి ఆయనే. పెద్దలకు గౌరవం ఇస్తూ వారు చెప్పేదానికి కట్టుబడి ఉంటాడు అని చెప్పుకొచ్చింది.