. 9న జనసేనాని భేటీ
హైదరాబాద్, అక్టోబరు 8,
తన వ్యాఖ్యలతో ఆంధ్రప్రదేశ్ రాజకీయాల్లో కలకలం రేపుతున్న జనసేనాని పవన్ కళ్యాణ్ తెలంగాణపైనా ఫోకస్ పెట్టారు. ఈ నేపథ్యంలోనే ఈ నెల 9న జనసేన పార్టీ తెలంగాణ శాఖ క్రియాశీలక కార్యకర్తల సమావేశాన్ని నిర్వహించనుంది. పార్టీ అధినేత పవన్ కళ్యాణ్ పాల్గొనే ఈ సమావేశాన్ని హైదరాబాద్‌లోని జె.పి.ఎల్ కన్వెన్షన్ హాల్‌లో నిర్వహించడానికి ఏర్పాట్లు చేశారు. ఆ రోజు మధ్యాహ్నం 2 గంటలకు ప్రారంభమయ్యే సమావేశంలో కార్యకర్తలనుద్దేశించి పవన్ ప్రసంగించనున్నారు.తెలంగాణలో జనసేన పార్టీని ముందుకు తీసుకెళ్లడం, సంస్థాగత నిర్మాణం, ప్రజా పక్షాన నిలిచి పోరాడటంపై కార్యకర్తలకు, నాయకులకు జనసేనాని దిశానిర్దేశం చేయనున్నారు. పార్టీ నిర్మాణంలో భాగంగా తెలంగాణలో క్షేత్రస్థాయి నుంచి బలోపేతం చేస్తూ కమిటీల నియామకం సాగుతోంది. నెలలో కొన్ని రోజుల పాటు తెలంగాణలో పార్టీ కార్యకలాపాలకు సమయం కేటాయిస్తానని పవన్ గతంలోనే చెప్పిన సంగతి తెలిసింది. ఈ సమావేశంలో పార్టీ ఉపాధ్యక్షులు మహేందర్ రెడ్డి, పార్టీ తెలంగాణ ఇంచార్జి శంకర్ గౌడ్ తదితరులు పాల్గొననున్నారు.ఁ