మాదక ద్రవ్యాల కేసులు అరెస్టయి ఆర్ధర్ రెడ్డు జైలులో వున్న  తన కుమారుడు ఆర్యన్ ఖాన్ను చూసేందుకు గురువారం బాలీవుడ్ ప్రముఖ నటుడు షారుక్ ఖాన్ జైలుకు వచ్చారు. తనయుడితో కొద్దిసేపు మాట్లాడి తిరిగి వెళ్లిపోయారు. డ్రగ్స్ కేసులో అర్యన్ ఆరెస్టయిన తరువాత షారుక్ కొడుకును మొదటిసారి కలిసారు.  అక్టోబర్ 2న అరెస్టయిన ఆర్యన్ బెయిల్ కోసం పలుమార్లు అభ్యర్థనలు పెట్టుకున్నారు. అయితే, ఈ కేసు విచారిస్తోన్న ప్రత్యేక న్యాయస్థానం మాత్రం వాటిని తోసిపుచ్చింది. తాజాగా బుధవారం కు ఆర్యన్ కు బెయిల్ నిరాకరించిన సంగతి తెలిసిందే. ఈ క్రమంలో కుమారుడిని చూసేందుకు షారుక్ జైలుకు వచ్చారు. జైలు నిబంధనల మేరకు గతవారం ఆర్యన్ తన తల్లిదండ్రులతో వీడియో కాల్లో మాట్లాడారు.  షారుక్ మేనేజర్, న్యాయవాదులు ఆర్యన్తో సంప్రదింపులు జరుపుతున్నారు. ఇప్పటికే ప్రత్యేక న్యాయస్థానం పలుమార్లు బెయిల్ నిరాకరించడంతో ఆర్యన్ న్యాయవాదులు బాంబే హైకోర్టును ఆశ్రయించనున్నారు.