ఏలూరు
పశ్చిమ గోదావరి జిల్లా వ్యాప్తంగా గంజాయి అక్రమ రవాణాను అరికట్టే చర్యలో భాగంగా పోలీసు జాగిలాల సేవలను వినియోగించుకుంటున్నారు. ఏలూరుటౌన్ పోలీసులు  ఏలూరు రైల్వే స్టేషన్ మరియు అర్.టి.సి బస్ స్టేషన్ లలో ఆకస్మిక తనిఖీలు నిర్వహించారు. జాగిలాల సహయంతో రైల్వే, ఆర్టీసీ ప్రయాణికులను సోదా చేసారు. గంజాయి రవాణా, అక్రమ మద్యం, నాటు సారాయి, నిషేధిత పాన్ పారగ్, ఖైనీ, గుట్కా మరియు ఇతర నిషేధిత పదార్ధాల రవాణా నియంత్రించడం కోసం ఈ తనిఖీలు చేసారు. జిల్లా వ్యాప్తం గా రైల్వే స్టేషన్, అర్.టి.సి బస్ స్టేషన్ పరిసర ప్రాంతాలలో ముమ్మర తనిఖీలు నిర్వహిస్తున్నారు.