తిరుమల
తిరుమల శ్రీవారిని పలువురు సినీ ప్రముఖులు దర్శించుకున్నారు.. ఇవాళ ఉదయం వి.ఐ.పి విరామ సమయంలో సినీనటుడు రాజేంద్రప్రసాద్, సినీ డైరెక్టర్ గోపిచంద్ లు వేర్వేరుగా స్వామి వారి సేవలో పాల్గోని మొక్కులు చెల్లించుకున్నారు.. అనంతరం రంగనాయకుల మండపంలో వేద పండితులు వేద ఆశీర్వాదం అందించగా..ఆలయ అధికారులు పట్టు వస్త్రంతో సత్కరించి స్వామి వారి తీర్ధ ప్రసాదాలు అందజేశారు.. అనంతరం ఆలయ వెలుపలకు వచ్చిన సినీ డైరెక్టర్ గోపిచంద్ మీడియాతో మాట్లాడుతూ.. కలియుగ వైకుంఠనాధుడు శ్రీనివాసుడి ఆశీస్సులు పొందడం చాలా సంతోషంగా ఉందన్నారు..స్వామి వారి ఆశీస్సులు తమ కుటుంబంపై, సినీ ఇండస్ట్రీపై ఉండాలని, నందమూరి బాలకృష్ణతో నూతన చిత్రం చిత్రీకరణకు త్వరలో పూజ నిర్వహించనున్నట్లు గోపిచంద్ వెల్లడించారు..