హైదరాబాద్
మాదాపూర్ ఎస్వోటీ, బాలానగర్ పోలీసులు గంజాయి, డ్రగ్ రవాణా గ్యాంగ్ ను ఆరెస్టు చేసారు. ఆ ఘటనలో పదకొండుమంది ఆరెస్టు కాగా ఇద్దరు పరారీలో వున్నారు. సైబరాబాద్ సీపీ స్టీఫెన్ రవీంద్ర మాట్లాడుతూ నిందితుల నుండి 50 గ్రాముల డ్రగ్, 45 కేజీల గంజాయి, 22 వేల నగదు, 11 మొబైల్స్, రెండు కార్లు స్వాధీనం చేసుకున్నామని అన్నారు. మాదాపూర్ ఎస్వోటీ  పోలీసులు  మహమ్మద్ బీన్ హసన్, రాకేష్ ల నుండి 3 గ్రాముల డ్రగ్ రికవరీ చేసి విచారణ చేయగా వీరి ద్వారా మరో ముగ్గురు నీ అదుపులోకి తీసుకున్నాం. రహిద్ అలీ, యాసిన్, అహ్మద్ లు ముంబై ఘట్ కోపర్ నుండి డ్రగ్స్ తీసుకొచ్చి నగరంలో విక్రయిస్తున్నారు. బాలానగర్ ఎస్వోటీ పోలీసులు ముగ్గురు ని అరెస్ట్ చేశారు. వీరి నుండి 3 గ్రాముల డ్రగ్ ను సీజ్ చేశాం. వైజాగ్ నుండి ముంబాయి కీ గంజాయి స్మగ్లింగ్ చేస్తున్న ముగ్గురు  అరెస్ట్ అయ్యారు. ఇండిగో కారు లో గంజాయి తరలిస్తున్నారని అయన అన్నారు.
ఇప్పటి వరకు సైబరాబాద్ పరిదిలో డ్రగ్స్, గంజాయి లకు సంభందించి 132 కేసులు నమోదు చేసి 250 మంది నీ అరెస్ట్ చేశాం. ఎనిమిది మంది పెడ్లర్స్ పై పీడీ యాక్ట్ లు నమోదు చేశామని అయన అన్నారు.