నేను డైరెక్టర్ ఆర్టిస్ట్ని.. ఎలా చెబితే అలా చేస్తా  అఖండ సినిమాను ఆదరించిన ప్రేక్షకులకు కృతజ్ఞతలు  - హీరో బాలకృష్ణ.
తన సినిమా అఖండ విజయం ది చలనచిత్ర పరిశ్రమ విజయమని  నటుడు బాలకృష్ణల పేర్కొన్నారు.  అఖండ సక్సెస్ మీట్ సందర్భంగా ఈ వ్యాఖ్యలు చేశారు బాలయ్య.  నందమూరి నటసింహం బాలకృష్ణ-దర్శకుడు బోయపాటి శ్రీను కాంబినేషన్లో వచ్చిన 'అఖండ' విజయవంతమయింది.  తెలుగు రాష్ట్రాల్లోనే కాకుండా ఓవర్సీస్లో కూడా హిట్ టాక్ కొట్టేసింది.   ఈ నేపథ్యంలో చిత్రబృందం సక్సెస్ మీట్ ఏర్పాటు చేసింది.    ఈ సందర్భంగా నందమూరి బాలకృష్ణ.. ప్రేక్షకులకు, అభిమానులకు కృతజ్ఞతలు తెలిపారు.  "ఈ చిత్రానికి పనిచేసిన అందరికీ అభినందనలు తెలియజేస్తున్నాను. అలాగే ఈ చిత్రానికి ఇంత అఖండ విజయం అందించిన ప్రేక్షక దేవుళ్లకు, నా అభిమానులకు అందరికీ నా కృతజ్ఞతలు. కొత్తదనాన్ని తెలుగు వారు ఆదరిస్తారు అనడానికి ఉదాహరణ ఈ అఖండ. ఇది చలనచిత్ర పరిశ్రమ విజయం. తమన్ మంచి బాణీలు సమకూర్చారు. మా సినిమాలో ప్రతి ఒక్కరూ కూడా ఎంతో కష్టపడ్డారు. సినిమానే మా ధ్యేయం. నేను ఓ డైరెక్టర్ ఆర్టిస్ట్ని.. కాబట్టి డైరెక్టర్ ఎలా చెబితా అలా నడుచుకుంటాను." అని బాలకృష్ణ అన్నారు.