శ్రీ రామరాజు చారిటబుల్ ట్రస్ట్ ఆధ్వర్యంలో విద్యార్థులకు మాస్కులు,శానిటైజర్లు పంపిణీ
నెల్లూరు డిసెంబర్ 4
శ్రీరామరాజు చారిటబుల్ ట్రస్ట్ ఆధ్వర్యంలో శనివారం నెల్లూరు జిల్లా, అల్లూరు మండలం, పడమరగోగులపల్లి గిరిజనకాలనీలోని మండల ప్రజాపరిషత్ ప్రాధమిక పాఠశాల నందు విద్యార్థులకు మాస్కులు, శానిటైజర్లు పంపిణీ చేశారు. ఈ కార్యక్రమానికి ముఖ్యఅతిథిగా గ్రామ సర్పంచ్ ఆట తిరుమల పాల్గొన్నారు. ఈ సందర్భంగా ఆయన మాట్లాడుతూ కరోనా  వ్యాధి పట్ల విద్యార్థులు అప్రమత్తంగా ఉండాలని సూచించారు. ఎప్పటికప్పుడు వ్యక్తిగత పరిశుభ్రత పాటిస్తూ, శానిటైజర్-మాస్కు ఉపయోగించుకోవాలని కోరారు. అనంతరం శ్రీరామరాజు చారిటబుల్ ట్రస్ట్ కార్యదర్శి కె.మురళీమోహన్ రాజు మాట్లాడుతూ గతంలో టి.బి, ఎయిడ్స్, క్యాన్సర్ లాంటి ఎన్నో జబ్బులు వచ్చినప్పుడు ప్రజలు ధైర్యంగా నిలబడి వాటిని ఎదుర్కొని నయం చేసుకోగలిగారని అన్నారు. మరి ఇప్పుడు కంటికి కనిపించని కరోనాను కూడా పరిశుభ్రతతో కలిసికట్టుగా పోరాడి తరిమి తరిమికొట్టాలని పిలుపునిచ్చారు. ఈ కార్యక్రమంలో స్థానిక పాఠశాల ఉపాధ్యాయురాలు పురిణి ప్రమీల,సి.హెచ్.సుమతి, కె.నిర్మల,భరత్ కుమార్ రాజు. తదితరులు పాల్గొన్నారు.