హైదరాబాద్, డిసెంబర్ 14, టాలీవుడ్ సూపర్ స్టార్ మహేష్‌ బాబుకు సర్జరీ అయింది. ఆయన మోకాలికి ఆపరేషన్ జరిగింది. కొన్ని రోజు నుంచి మోకాలినొప్పితో బాధపడుతున్న మహేష్ బాబుకు స్పెయిన్‌లో ఆపరేషన్ జరిగింది. మహేష్ ప్రస్తుతం దుబాయ్‌లో విశ్రాంతి తీసుకుంటున్నారు ఇదిలాఉంటే.. మహేష్ ప్రస్తుతం పరుశురాం దర్శకత్వంలో సర్కారువారిపాట సినిమా చేస్తున్నారు. ఇందులో మహేష్ సరసన కీర్తి సురేష్ హీరోయిన్‌గా నటిస్తోంది. ఈ మూవీ షూటింగ్ ప్రస్తుతం శరవేగంగా జరుపుకుంటోంది. ఇప్పటికే విడుదలైన పోస్టర్స్, వీడియోలు సినిమాపై అంచనాలను పెంచాయి. ఈ సినిమా తర్వత మహేష్ డైరెక్టర్ రాజమౌళి దర్శకత్వంలో సినిమా చేయనున్నారు.కాగా.. మహేష్ బాబుకు సర్జరీ జరగడంతో సర్కారు వారి పాట సినిమా షూటింగ్‌కు బ్రేక్ పడింది. మహేష్ కోలుకున్న అనంతరం ఈ సినిమా షూటింగ్ జరగనుంది.