బెంగళూరు డిసెంబర్ 15
భారత తొలి సీడీఎస్‌ బిపిన్‌ రావత్‌కు జరిగిన హెలికాప్టర్ ప్రమాదంలో గాయపడి చికిత్స పొందుతున్న కెప్టెన్ వరుణ్ సింగ్ మృతి చెందారు. ఈ ప్రమాదంలో గాయపడిన వరుణ్ సింగ్‌.. బెంగళూరులోని ఆస్పత్రిలో చికిత్స పొందుతూ తుదిశ్వాస విడిచారు. ఈ విషయాన్ని బుధవారం నాడు భారత వాయుసేన అధికారికంగా ప్రకటించింది.ఈ నెల 8వ తేదీన జరిగిన హెలికాప్టర్ ప్రమాదంలో వరుణ్ సింగ్ తీవ్రంగా గాయపడిన సంగతి తెలిసిందే. ఈ ప్రమాదంలో బిపిన్ రావత్ దంపతులు సహా మొత్తం 14 మంది ప్రయాణిస్తున్న హెలికాప్టర్‌కు కూనూర్ సమీపంలో ప్రమాదం జరిగింది. ఈ ప్రమాదంలో ఇప్పటికే 13 మంది మరణించారు.