తిరుపతి
ఇది దగాపడ్డ రైతుల సభ, రాజకీయ సభకాదని వైసీపీ ఎంపీ రఘురామకృష్ణరాజు అన్నారు. శుక్రవారం  హైదరాబాదు నుంచి అమరావతి రాజధాని రైతుల మహాపాదయాత్ర సభకు రేణిగుంట విమానాశ్రయం చేరుకున్న నరసరావుపేట వైసీపీ రెబల్ ఎంపీకి అమరావతి రాజధాని జేఏసీ రైతులు ఘన స్వాగతం పలికారు. ఈ సందర్భంగా ఆయన మీడియాతో మాట్లాడుతూ..ఈ సభ తర్వాత మూడు రాజధానుల గురించి మాట్లాడే వారు ఎవరూ ఉండరని చెప్పారు. న్యాయపరంగా 100 శాతం అమరావతే రాజధానిగా ఉంటుందన్నారు. మంత్రి బొత్స సత్యనారాయణ మాటలు అరువు మాటలని చెప్పారు. సత్తిబాబు చెడ్డవాడు కాదు.. మంచి వాడని తాను అనడంలేదన్నారు. మనం జాలి పడాలి తప్ప బొత్స మాటలువిని బాధపడకూడదని రఘురామ తెలిపారు. అనంతరం రోడ్డు మార్గాన తిరుపతికి రఘురామ బయలుదేరి వెళ్లారు.