న్యూఢిల్లీ, డిసెంబర్ 29,
ప్రధాన మంత్రి నరేంద్ర మోడీ ఇక నుంచి కొత్త కారులో ప్రయాణించనున్నారు. ఆయన కాన్వాయ్లోకి మెర్సిడెస్ మేబ్యాక్ S 650 వచ్చి చేరింది. ముందు బుల్లెట్లు, పేలుళ్లు సంభవించినా సురక్షితంగా ప్రయాణం చేసేలా రూపొందించారు. ఇటీవల ఒక్క రోజు భారత్ పర్యటనకు వచ్చిన రష్యా అధ్యక్షుడు వ్లాదిమిర్ పుతిన్కు స్వాగతం పలకడానికి హైదరాబాద్ హౌస్కు వచ్చిన మోదీ తొలిసారి ఈ కారులో కనిపించారు. అలాగే, ఈ మధ్య మోదీ కాన్వాయ్లో మరోసారి ఈ వాహనం కనిపించింది.అత్యున్నత భద్రతా ప్రమాణాలు కలిగిన ఈ కారు విలువ రూ.12 కోట్లకు పైనే ఉంటుందని తెలుస్తోంది. కొత్త మేబ్యాక్ 650 గార్డ్ వీఆర్  10 స్థాయి రక్షణతో సరికొత్త ఫేస్లిఫ్ట్ మోడల్..ప్రత్యేకంగా రూపొందిన నిర్మాణంతో బుల్లెట్ల వర్షాన్ని తట్టుకోగలదు. ఏకె-47 రైఫిల్స్ దాడిని కూడా ఎదుర్కోగలదు. గ్యాస్ దాడి జరిగినపుడు క్యాబిన్ నుండి ప్రత్యేకంగా గాలి కూడా విడుదలవుతుంది. ఈ కారు అద్దాలకు పాలీకార్బనేటెడ్ పూత ఉండటం వల్ల బుల్లెట్లనూ తట్టుకోగలదు. ప్రస్తుత పరిస్థితులకు అనుగుణంగా ప్రధాని మోడీ కాన్వాయ్లోని వాహనాలను ఎస్పీజీ  అధికారులు అప్గ్రేడ్ చేశారు.ఈ కారు ఎక్స్ప్లోజివ్ రెసిస్టెంట్ వెహికల్  రేటింగ్ను కలిగి ఉంది.. మెర్సిడిస్ మేబాక్ ఎస్ 650 గార్డ్ 6.0 లీటర్ ట్విన్ టర్బో వి12 ఇంజిన్తో శక్తిని పొందింది. ఇది 516 బిహెచ్పి పవర్ మరియు 900 ఎన్ఎమ్ టార్క్ ఉత్పత్తి చేస్తుంది. ఈ కారు గరిష్టంగా 160 కేఎంపీహెచ్ వేగంతో పరుగెత్తగలదు. కారు బాడీ, విండోస్ బుల్లెట్లను తట్టుకోగల గట్టి ఉక్కు కోర్ కలిగి ఉంటాయి. ఈ కారులో కూర్చున్న వ్యక్తి కేవలం 2 మీటర్ల దూరంలో సంభవించే 15 కిలోల వరకు టీఎన్టీ  పేలుడు నుండి కూడా సురక్షితంగా ఉండగలడు. కారు ఇంధన ట్యాంక్ ఒక ప్రత్యేక పదార్థంతో పూత పూయబడి ఉంటుంది. ఇది బుల్లెట్ వల్ల ఏర్పడిన రంధ్రంను స్వయంచాలకంగా మూసివేస్తుంది. ఇది బోయింగ్ ఏహెచ్ 64 అపాచీ ట్యాంక్ దాడి హెలికాప్టర్లలో ఉపయోగించిన అదే పదార్థంతో తయారు చేయడం జరిగింది. కారు ప్రత్యేకమైన రన్ ఫ్లాట్ టైర్లతో కూడా నడపవచ్చు. దీని కారణంగా దాడి తర్వాత టైర్లకు నష్టం జరిగినప్పుడు కూడా ఇది వేగంగా ప్రయాణిస్తుంది. కారు సీట్ మసాజర్తో విలాసవంతమైన ఇంటీరియర్ను పొందుతుంది. ఈ ఆక్యుపెంట్ కోసం లెగ్రూమ్ని పెంచవచ్చు. నరేంద్ర మోడీ గుజరాత్ ముఖ్యమంత్రిగా ఉన్నప్పుడు బుల్లెట్ ప్రూఫ్ మహీంద్రా స్కార్పియోలో ప్రయాణించారు. 2014లో ప్రధానమంత్రి అయిన తర్వాత బీఎండబ్ల్యూ 7 సిరీస్ హై సెక్యూరిటీ ఎడిషన్ను ఉపయోగించారు. తాజాగా మెర్సిడెస్ మేబ్యాక్ వచ్చి చేరింది.