చిత్తూరు
చిత్తూరు జిల్లాలోని పలమనేరు మండలం గొల్లపల్లి వద్ద కుప్పం జాతీయ రహదారిపై జరిగిన రోడ్డు ప్రమాదంలో ఒకరు సజీవదహనం అయ్యారు. టిప్పర్, సుమో పరస్పరం ఢీకొనడంతో రెండు వాహనాల్లో ఒక్కసారిగా మంటలు చెలరేగాయి. ఈ ప్రమాదంలో సుమో డ్రైవర్ వాహనంలో ఇరుక్కొని మంటల్లో సజీవ దహనమయ్యాడు. టిప్పర్ డ్రైవర్ పరారయ్యాడు. సుమోలో ఒక్కరే వున్నట్లు తెలుస్తోంది. సమాచారం అందిన వెంటనే అగ్నిమాపక సిబ్బంది అక్కడకు చేరుకుని మంటలను అదుపు చేశారు. సుమోలోని వ్యక్తి వివరాలు తెలియాల్సి ఉంది. ఈ ప్రమాదంపై పోలీసులు కేసు నమోదు చేసి దర్యాప్తు చేపట్టారు.