శంషాబాద్
రంగారెడ్డి జిల్లా శంషాబాద్ మండలం గండిగుడా గ్రాండ్ విల్లే  వెంచర్ లో నివాసం ఉండే రవిందర్ రెడ్డి ఇంట్లో చోరీ జరిగింది. రవిందర్ రెడ్డి ఇంటికి తాళం వెసి కుటుంబ సభ్యులతో కలిసి వరంగల్ వెళ్ళాడు. అదును చూసిన గుర్తుతెలియని దుండగులు తాళం పగలగొట్టి 15 తులాల బంగారం నాలుగు లక్షల నగదు తో ఉడాయించారు. ఊరు నుండి వచ్చిన రవిందర్ రెడ్డి ఇంటి తాళం పగలగొట్టి ఉండడంతో ఇంట్లోకి వెళ్ళి చూడగా బంగారం తోపాటు నగదు కనిపించలేదు. దాంతో బాధితుడు పోలీసులకు ఫిర్యాదు చేసాడు. సంఘటన స్థలానికి చేరుకున్న పోలీసులు క్లూస్ టీం ను రంగంలోకి దింపి ఆధారాలను సేకరిస్తున్నారు.