విజయవాడ, మార్చి 14,
డైరెక్టర్ రాజమౌళి ఏపీ సీఎం జగన్‏ను కలిశారు. సోమవారం మధ్యాహ్నం హైదరాబాద్ నుంచి ప్రత్యేక విమానంలో బయలుదేరిన రాజమౌళి. విజయవాడకు చేరుకున్నారు.. ఈనెల 25న ఆర్ఆర్ ఆర్ సినిమా విడుదల కానున్న నేపథ్యంలో డైరెక్టర్ రాజమౌళి సీఎం జగన్‏ను కలవనున్నట్లు సమాచారం. రాజమౌళితోపాటు.. ప్రొడ్యుసర్ దానయ్య కూడా జగన్‏తో భేటీ కానున్నారు.మెగా పవర్ స్టార్ రామ్ చరణ్.. యంగ్ టైగర్ ఎన్టీఆర్ ప్రధాన పాత్రలలో తెరకెక్కిన ఆర్ఆర్ఆర్ సినిమా కోసం దేశవ్యాప్తంగా అభిమానులు ఎదురుచూస్తున్నారు. భారీ బడ్జెట్ తో తెరకెక్కిన ఈ మూవీపై అంచనాలు భారీగానే ఉన్నాయి. ఇందులో అలియా భట్.. అజయ్ దేవ్ గణ్.. శ్రియ సరన్ కీలకపాత్రలలో నటిస్తున్నారు. ఇప్పటికే విడుదలైన ట్రైలర్.. సాంగ్స్ మూవీపై అంచనాలను మరింత పెంచాయి. ఈ సినిమా మార్చి 25న ప్రేక్షకుల ముందుకు రానుంది.