శ్రీకాకుళం
శ్రీకాకుళం  జిల్లాలో జలం కోసం గురువారం బీజేపీ ఉత్తరాంధ్ర జనపోరు యాత్ర ప్రారంభించింది. ఇందుకోసం శ్రీకాకుళం చేరుకున్న రాష్ట్ర బీజేపీ అధ్యక్షుడు సోము వీర్రాజు అరసవెల్లి సూర్యనారాయణ స్వామిని దర్శించుకున్నారు. ఈ యాత్రకు మాజీ కేంద్రమంత్రి పురందేశ్వరి, స్థానిక బీజేపీ నేతలు హాజరు అయ్యారు . సోము వీర్రాజు మాట్లాడుతూ సాగు, తాగు నీరు లేక ఉత్తరాంధ్ర ప్రజలు వలసలు వెళ్తున్నారన్నారు. బీజేపీ అధికారంలోకి వస్తే మూడేళ్ళలో ప్రాజెక్టులన్నీ పూర్తి చేస్తామని.. ఆ దమ్ము ప్రధాని నరేంద్ర మోదీకి ఉందని అన్నారు.. వైసీపీ ప్రభుత్వం రాష్ట్రంలో ఒక్క ప్రాజెక్టు పూర్తి చేయలేదన్నారు. ఉత్తరాంధ్ర, సీమ ప్రాజెక్టుల విషయంలో ప్రభుత్వం నిర్లక్ష్య ధోరణి ప్రదర్శిస్తోందని సోము వీర్రాజు ఆరోపించారు.