బుల్లితెర‌పై సెన్సేష‌న్ క్రియేట్ చేసిన రియాలిటీ షో బిగ్ బాస్‌. ఎన్టీఆర్ హోస్ట్‌గా సీజ‌న్ 1 ఆద్యంతం ఆస‌క్తిక‌రంగా సాగింది. ఇక ప్ర‌స్తుతం సీజ‌న్ 2కి ఏర్పాట్లు చురుకుగా సాగుతున్నాయి. న్యాచురల్ స్టార్ నాని హోస్ట్‌గా వ్యవహరించనున్న సీజన్ 2 కోసం అన్నపూర్ణ స్టూడియోలో ప్రత్యేకంగా భారీ సెట్‌ను కూడా వేస్తున్నారు. ఈ షో కోసం నానికి బిగ్‌బాస్ 2 మేకర్స్ రూ.4 కోట్లు రెమ్యునరేషన్ ఇవ్వ‌నున్నార‌ని ఫిలింన‌గ‌ర్ టాక్. బిగ్‌బాస్ 2 సెట్‌లో కంటెస్టంట్స్ కోసం అత్యాధునిక సౌకర్యాలు ఏర్పాటు చేస్తున్నారట.  తెలుగులో 'బిగ్ బాస్-2' రియాల్టీ షో ఎంతగానో ఆలరించింది. ఈ షో వ్యాఖ్యాతగా ప్రముఖ హీరో జూనియర్ ఎన్టీఆర్ వ్యవహరించారు. ఇందులో అనేకమంది బుల్లితెర నటీనటులు పాల్గొన్నారు. ఇపుడు 'బిగ్ బాస్-2' సీజన్ ప్రారంభంకానుంది. ఇందుకోసం భారీ సెట్‌ను కూడా సిద్ధం చేశారు. దీనికి 'బిగ్ బాస్-2'ను హీరో జూనియర్ ఎన్టీఆర్ కాకుండా నేచురల్ స్టార్ నాని హోస్ట్ చేయనున్నాడనే ప్రచారం జరుగుతోంది.ఇదిలావుంటే... ఈ షోకు సంబంధించి మరో ఆసక్తికర వార్త వైరల్ అవుతోంది. సీజన్-1 కంటే సీజన్-2 మరింత గ్లామరస్‌గా ఉండబోతోందనే వార్త ఫిల్మ్ నగర్‌లో గుప్పుమంది. ఈ నటీమణుల జాబితాలో సీనియర్ నటి రాశి, 'స్టూడెంట్ నంబర్ 1' హీరోయిన్ గజాలా, తేజస్వితో పాటు.. సింగర్ గీతా మాధురి, యాంకర్ శ్యామలలు పాలుపంచుకోనున్నట్టు తెలుస్తోంది. జూన్ నుంచి సీజన్ 2 షూటింగ్ ప్రారంభం కానుందని తెలుస్తుండ‌గా, సీజన్ 2లో వంద ఎపిసోడ్స్ ఉండనున్నాయి అంటున్నారు. అయితే సీజ‌న్ 2పై జ‌నాల‌లో మ‌రింత ఆస‌క్తి క‌లిగించేందుకు గ్లామ‌ర్ బ్యూటీస్‌ని కంటెస్ట్‌లుగా తీసుకోనున్నార‌ని టాక్.