బాపట్ల
బాపట్లజిల్లాలో దారుణం చోటుచేసుకుంది, ఓ మహిళ దారుణహత్యకు గురికావడం స్థానికంగా కలకలం రేపింది. ఇక వివరాల్లోకి వెళితే చీరాల మండలం జాండ్రపేట సాయిబాబా గుడి ప్రాంతంలో చీరాల సిపాయిపేటకు చెందిన సలోమీ అనే మహిళ హత్యకు గురైన సంఘటన వెలుగులోకి వచ్చింది. ఈ సందర్భంగా చీరాల ఒకటో పట్టణ సీఐ మల్లిఖార్జున రావు వివరాలు వెల్లడిస్తూ చీరాల సిపాయిపేటకు చెందిన సలోమీతో సునీల్ కుమార్ గత పదేళ్లుగా సహజీవనం చేస్తున్నాడని అయితే గతరాత్రి ఆమెను ఆటోలో ఎక్కించుకుని తీసుకువెళ్లడం జరిగిందని అనంతరం ఆమె హత్యకు గురైందన్నారు. సునీల్ కుమార్ అతని బంధువులను అనుమానిస్తున్నామని క్లూస్ టీం మరియు డాగ్ స్క్వాడ్ లతో పోలీసులు సంఘటనా స్థలాన్ని పరిశీలించడం జరిగిందని అలాగే ఈ ఘటనపై కేసునమోదుచేసి దర్యాప్తు చేస్తున్నామని చీరాల సీఐ మల్లిఖార్జునరావు తెలిపారు.