విజయవాడ
బీజేపీ జాతీయ అధ్యక్షుడు జేపీ నడ్డా రెండు రోజుల పాటు ఆంధ్రప్రదేశ్ లో పర్యటిస్తున్నారు.ప్రధాని మోడీ 8 ఏళ్ల పాలన పూర్తైన సందర్భంగా.. ఏపీలో పార్టీని సంస్థాగతంగా బలోపేతంపై ఆయన దృష్టి సారించారు. ఈ క్రమంలోనే ఇవాళ, రేపు ఏపీలో పర్యటించనున్నారు. ఉదయం 11 గంటలకు గన్నవరం ఎయిర్ పోర్టుకు చేరుకున్న నడ్డా.. అక్కడి నుంచి నేరుగా విజయవాడ సిద్ధార్థ ఫార్సీ కాలేజ్ గ్రౌండ్ కు వెళ్లారు.ఏపీలో 40 వేలకు పైగా ఉన్న పోలింగ్ కేంద్రాలను 9 వేల శక్తి కేంద్రాలుగా వర్గీకరించిన బీజేపీ వాటికి ఇంఛార్జులను నియమించింది. వారితో జేపీ నడ్డా భేటీ కానున్నారు.నడ్డా రాక నేపద్యంలో భారీగా చేరుకున్న కార్యకర్తలు గజమాలతో ఘనంగా స్వాగతం పలికారు.