శర్వానంద్, సాయి పల్లవి జంటగా నటిస్తున్న చిత్రం ‘పడి పడి లేచె మనసు’. హను రాఘవపూడి దర్శకత్వం వహిస్తున్నారు. రొమాంటిక్ కామెడీగా తెరకెక్కుతున్న ఈ సినిమా ఇప్పటి వరకు 60 శాతం చిత్రీకరణను పూర్తి చేసుకుంది. ఇప్పటికే కోల్ కతా, నేపాల్ షెడ్యూల్స్‌ను పూర్తి చేసుకున్న ఈ మూవీ.. ప్రస్తుతం హైదరాబాద్‌లో షూటింగ్ జరుపుకుంటోంది. ఇదిలా ఉంటే.. ఈ సినిమాలో శర్వానంద్ ఫుట్ బాల్ ప్లేయర్‌గా కనిపించనున్నాడ‌ని.. దీనికి సంబంధించి ప్ర‌త్యేక‌ శిక్షణ కూడా తీసుకున్నాడని సమాచారం. అలాగే.. సాయి పల్లవి మరోసారి మెడికల్ స్టూడెంట్‌గా ఈ సినిమాలో కనిపించనుంది. ఒక ఫుట్‌బాల్ ప్లేయర్‌కు, మెడికల్ స్టూడెంట్‌కు మధ్య ప్రేమ ఎలా చిగురించింది.. అది ఎలాంటి తీరాల‌కు చేరింద‌నేదే ఈ సినిమాలోని కీల‌కాంశం. కాగా.. ఈ ఏడాది ద్వితీయార్ధంలో ఈ సినిమా తెర‌పైకి రానుంది