న్యూఢిల్లీ నవంబర్ 3
ఇన్‌స్టంట్ మెసేజింగ్ యాప్ వాట్సాప్‌ సెప్టెంబ‌ర్‌లో 26 ల‌క్ష‌ల‌కు పైగా భార‌త్ ఖాతాల‌ను నిషేధించింది. ఐటీ నిబంధ‌న‌లు 2021, 4(1)(డి) నిబంధ‌న‌ల కింద ఈ ఖాతాల‌ను నిషేధించిన‌ట్టు వాట్సాప్ తెలిపింది. జులైతో పోలిస్తే సెప్టెంబ‌ర్‌లో నిషేధించిన వాట్సాప్ ఖాతాల సంఖ్య 3 ల‌క్ష‌లు అధికం. భార‌త యూజ‌ర్ల నుంచి అందిన పిర్యాదుల ఆధారంగా ఈ ఖాతాల‌ను నిషేధించిన‌ట్టు వాట్సాప్ వెల్ల‌డించింది.సెప్టెంబ‌ర్ 1 నుంచి సెప్టెంబ‌ర్ 30 మ‌ధ్య మొత్తం 26,85,000 ఖాతాల‌ను వాట్సాప్ బ్యాన్ చేసింది. స్పామ్‌, నిబంధ‌న‌ల ఉల్లంఘ‌న‌, ఇత‌ర కార‌ణాల‌తో ఈ ఖాతాల‌ను నిషేధించిన‌ట్టు కంపెనీ పేర్కొంది. త‌మ ప్లాట్‌ఫాంపై యూజ‌ర్ల భ‌ద్ర‌త‌, గోప్య‌త‌కు అత్యంత ప్రాధాన్య‌త ఇస్తామ‌ని తాజా నివేదిక‌లో వాట్సాప్ స్ప‌ష్టం చేసింది.త‌మ ఎండ్‌-టు-ఎండ్ ఎన్‌క్రిప్టెడ్ మెసేజింగ్ సిస్ట‌మ్ అబ్యూజ్‌ను దీటుగా ఎదుర్కొనేలా రూపొందింద‌ని తెలిపింది. యూజ‌ర్ భ‌ద్ర‌త‌ను కాపాడేందుకు త‌మ ఇంజ‌నీర్ల టీం, డేటా సైంటిస్టులు, అన‌లిస్టులు, రీసెర్చ‌ర్స్‌, చ‌ట్ట నిపుణులు, టెక్నాల‌జీ విభాగాల‌కు చెందిన వారు అంకిత భావంతో సేవ‌లందిస్తార‌ని పేర్కొంది.