న్యూ డిల్లీ ఏప్రిల్ 13
ప్రముఖ మీడియా సంస్థ బ్రిటీష్ బ్రాడ్ కాస్టింగ్ ఇండియా పై ఎన్‌ఫోర్స్‌మెంట్‌ డైరెక్టరేట్ తాజాగా కేసు నమోదు చేసింది. విదేశీ నిధుల వ్యవహారంలో బీబీసీ ఫెమా నిబంధనలను ఉల్లంఘించినట్లు తెలిపింది. ఈ కేసు విచారణతో భాగంగా ఆర్థిక లావాదేవీల వివరాలను సమర్పించాలని బీబీసీ ఇండియాను ఈడీ ఆదేశించింది. అదేవిధంగా విదేశీ రెమిటెన్సుల వివరాలను కూడా పరిశీలిస్తున్నట్లు ఈడీ వర్గాలు తెలియజేశాయి.కాగా బీబీసీ ఇండియాకార్యాలయంలో గతంలో ఐటీ శాఖ తనిఖీలు నిర్వహించిన సంగతి విదితమే. అయితే ఆ తనిఖీలను ‘సోదాలు కాదని, సర్వే’ అని అధికారులు తెలిపారు. 
గోద్రామారణకాండ వెను క అప్పటి గుజరాత్‌ ముఖ్యమంత్రి నరేంద్రమోదీప్రమేయం ఉందంటూ గతంలో బీబీసీ ఓ వివాదాస్పద డాక్యుమెంటరీని ప్రసారం చేసింది.ఇది జరిగిన కొద్ది రోజులకే ఈ తనిఖీలుచోటుచేసుకోవడం గమనార్హం. గుజరాత్‌ అల్లర్లలో ప్రదాని మోదీ హస్తం ఉందని ‘ఇండియా: ద మోదీ క్వశ్చన్‌’ పేరిట రెండు భాగాలుగా విడుదలైన డాక్యుమెంటరీలో బీబీసీ పేర్కొంది. కాగా దీనిపై భారత్ తీవ్ర ఆగ్రహం వ్యక్తం చేసింది. అల్లర్లపై న్యాయస్థానాల్లో మోదీకి క్లీన్‌చిట్‌లభించాక కూడా ఇలా అభాండాలు మోపడమేమిటని భారతీయ జనతా పార్టీ తీవ్ర అభ్యంతరంవ్యక్తం చేసింది.