పుణె
మహారాష్ట్రలో శనివారం నాడు ఘోర ప్రమాదం జరిగింది. బుల్దానాలోని సమృద్ధి మహామార్గ్ ఎక్స్ ప్రెస్ పై వెళ్తున్న ఓ బస్సులో మంటలు చెలరేగి 25 మంది సజీవదహనమయ్యారు. ఘటనలో మరో ఎనిమిది మంది తీవ్రంగా గాయపడ్డారు. 32 మంది ప్రయాణికులతో బస్సు యావత్మాల్ నుంచి పుణెకు వెళ్తుండగా శనివారం వేకువజామున 2 గంటలకు ఈ ప్రమాదం జరిగింది.  మంటలు ధాటికి బస్సు పూర్తిగా కాలి బూడిదైంది. క్షతగాత్రులను సమీప ఆస్పత్రికి తరలించి చికిత్స అందిస్తున్నారు. టైరు పేలి బస్సు బోల్తా పడటంతో.. మంటలు చెలరేగి ఈ విషాదం చోటు చేసుకున్నట్లు సమాచారం.