హాలీవుడ్ ప్రముఖ నటుడు మోర్గన్ ఫ్రీమన్ మీద సంచలన ఆరోపణలు వెలుగు చూస్తున్నాయి. ఇతడిని కామపిశాచిగా అభివర్ణిస్తూ పలువరు నటీమణులు తమ అనుభవాల గురించి చెప్పడం సంచలనంగా మారింది. ఈ నటుడితో పని చేసిన 20 మంది నటీమణులతో ఇతడి తీరు గురించి వాకబు చేయగా.. వారిలో పలువురు ఇతడి తీరును తప్పు పట్టారు. జూనియర్స్‌ను లైంగిక వేధింపులకు గురి చేస్తాడని ఆ నటీమణులు చెప్పారు. ఇద్దరు ముగ్గురు మాత్రం ఫ్రీమన్ మంచోడని.. అలాంటి పనులేవీ చేయడని చెప్పగా... ఎనిమిది మంది నటీమణులు మాత్రం ఇతడి తీరును తప్పు పట్టారు. ప్రొడక్షన్ అసిస్టెంట్‌గా పనిచేసే ఒక మహిళలపై ఫ్రీమన్ చాలా దారుణంగా ప్రవర్తించాడని, ఆమె స్కర్ట్ పై కెత్తి.. ఈ రోజు నువ్వు అండర్ వేర్ వేసుకున్నావో లేదో చూశా.. అన్నాడని తెలుస్తోంది. ఈ విషయాన్ని ఆమె బయటపెట్టింది. దీంతో ఫ్రీమన్ తీరుపై చర్చ మొదలైంది. ఇతడితో పని చేసిన పలువురు నటీమణులతో ఈ అంశం గురించి మీడియా వర్గాలు ఆరా తీశాయి. వారిలో ఎనిమిది మంది ఫ్రీమన్ పై ఈ తరహా ఆరోపణలు చేశారని తెలుస్తోంది. అతడు తమను లైంగిక వేధింపులకు గురి చేశాడని వారంతా చెప్పారని సమాచారం. హాలీవుడ్ సినీ ప్రియులకు ఫ్రీమన్ బాగా తెలిసిన వాడే. షాషాంక్ రిడెంప్షన్, బ్రూస్ ఆల్ మైటీ వంటి సినిమాల్లో నటించాడు ఈ నటుడు.